Për herë të dytë brenda dy viteve, mazhoranca qeverisëse do të nisë procedurat për shkarkimin e Presidentit, Ilir Meta, për shkelje të rëndë të Kushtetutës dhe politizim të tejskajshëm të institucionit të Presidencës. Paralajmërimi i parë për shkarkimin e Metës erdhi fillimisht nga kryeministri Edi Rama, dy ditë para zgjedhje të 25 prillit, pasi Meta i shpalli luftë SHBA dhe ambasadores amerikane në Tiranë, Yuri Kim. Sot, kreu i grupit parlamentar i PS, Taulant Balla, njoftoi nisjen e procedurave për shkarkimin e presidentit, nga ky parlament dhe jo nga Kuvendi që do të dalë nga zgjedhjet e 25 prillit.
Po cilat janë hapat proceduralë për shkarkimin e kreut të shtetit?
-Fillimisht, vullneti për shkarkimin e kreut të shtetit, duhet të materializohet me një kërkesë të jo më pak se një e katërta e të gjithë deputetëve, drejtuar Kuvendit, shoqëruar me argumentet përkatëse.
-Së dy dyti, kërkesa për shkarkim administrohet nga kryetari i Kuvendit, Gramoz Ruçi, i cili ia përcjell Komisionit të Ligjeve për shqyrtim.
-Komisioni i Ligjeve, brenda 15 ditëve, i paraqet një raport Kuvendit, për ngritjen e një komisioni hetimor për shkarkimi e kreut të shtetit.
-Kuvendi, jo më vonë se 7 ditë nga paraqitja e raportit nga Komisioni i Ligjeve, zhvillon një debat në seancë plenare dhe ngre brenda dy ditëve komisionin hetimor.
-Së pesti, komisioni hetimor konstituohet, miraton planin e hetimit dhe thërret presidentin Ilir Meta në seancë, për të dëgjuar pretendimet e tij mbi kërkesën për ta shkarkuar.
-Në përfundim të hetimit, komisioni hetimor, miraton një raport ku i propozon Kuvendit shkarkimin e Presidentit.
-Kuvendi shqyrton raportin e komisionit hetimor në një seancë të veçantë, brenda 20 ditëve, si dhe vendos të shkarkojë presidentin me jo më pak se dy të tretat e të gjithë anëtarëve të tij, përkatësisht me 94 vota.
-Vendimi i Kuvendit për shkarkimin e Presidentit i dërgohet Gjykatës Kushtetuese nga Kryetari i Kuvendit brenda 5 ditëve nga marrja e tij.
-Së nënti, Gjykata Kushtuese vendos përfundimisht për shkarkimin ose jo të Presidentit. Nëse Kushtetuesja konfirmon vendimin e Kuvendit, Ilir Meta largohet nga Presidenca, në të kundërt, vendimi i shkarkimit humbet fuqinë vepruese.
Kjo është hera e dytë që mazhoranca nis procedurat për shkarkimin e Ilir Metës nga posti i presidentit. Herën e parë, gjithçka nisi për shkak të çdekretimit të zgjedhjeve lokale të 30 qershorit 2019. Por, në fund, shumica u tërhoq nga shkarkimi i Metës.
Herën e dytë, për shkak të sulmeve të Metës kundër SHBA, duke se shumica është e vendosur ta shkarkojë me votë në Kuvend. Ndërkaq, Presidenti Ilir Meta, nuk ka asnjë mundësi ligjore për të shpërndarë Parlamentin. Presidenti e shpërndan Parlamentin, vetëm kur Kuvendi dështon të zgjedhë kryeministrin.
Komente
Me qendrimet e sjelljet ai nuk eshte i denje as per shoqeri kafenesh jo me te mbaj tituj te larte shteteror.. Shpresojme qe rrumpalles ti vije fundi e ky vend te behest ashtu si ka hije..
PërgjigjuIshalla po e shkarkojne por se shkarkojne dot jo se procedura e shkarkimit zgjat
PërgjigjuIshalla e shkarkon shume shpejte like injoranti e kokemadhi kete monster te Shqiperise dhe SHQIPETAREVE
PërgjigjuDo dalim ta presim me sfurqe jasht Presidences kte pis.
PërgjigjuTani Rama te mbaj fjalen dhe ta shkarkoj mwnjeher ket mut...hiqeni svarr nga presidenca
Përgjigju