TIRANË- Tirana përkujtoi 80 vjetorin e çlirimit. Ceremonia bëri bashkë kryebashkiakun e Tiranës Erion Veliajn, kryeparlamentaren Elisa Spiropali si dhe deputetë socialist, që nderuan të rënët për liri.
Në fjalën e tij, kreu i bashkisë Erion Veliaj tha se kjo ditë historike shërben si udhërrëfyes për ruajtjen e së kaluarës dhe përqafimin e ndryshimit.
“Kush lexon historinë kupton se kishte ndasi dhe përçarje dhe sfida dhe në atë kohë si ka edhe sot. Ashtu si partizanët u ngritën mbi ndasitë e kohët për të çliruar Tiranën, ne sot duhet të ngrihemi mbi egoizmin, ndarjet dhe përçarjet, përplasjet e panevojshme për ta bërë një shoqëri me të përparuar dhe progresiste”, tha Veliaj.
Ndërsa kryetarja e Kuvendit Elisa Spiropali tha se tashmë Shqipëria, e rreshtuar në anën e duhur të historisë, po synon një tjetër arritje: atë të integrimit në BE.
"Lavdi atyre që patën viZionin të ndricoheshin nga e shkuara, lufta për tr është një testament, shqipëria është rreshtuar në anën e duhur të historisë, shqipëria europiane të cilës I jemi përkushtuar për ta bërë pjesë në europë, është padyshim pjesë e këtij testamenti...", tha Spiropali.
Çlirimin e Tiranës e uroi përmes këtij postimi edhe kryeministri Edi Rama, që ndau në rrjetet sociale momente nga aktivitetet e organizuara në shkollat e kryeqytetit.
Përfaqësuesit e Partisë së Lirisë nuk iu bashkuan homazheve të organizuara nga Bashkia, por kurorat me lule i vendosën të vetëm.
Çlirimi i Tiranës
80 vjet më parë, më 17 nëntor 1944, Tirana u çlirua nga ushtria gjermane në Luftën e Dytë Botërore. Çlirimi i Tiranës është një moment historik dhe konsiderohet si një nga operacionet më të rëndësishme dhe të suksesshme që kanë zhvilluar njësitë e UNÇSH kundër forcave gjermane e bashkëpunëtorëve të tyre për çlirimin e qyteteve të Shqipërisë.
Çlirimi i kryeqytetit iu ngarkua Korporatës së I Sulmuese, përmes një plani operativo-strategjik të Komandës së Përgjithshme që parashikonte krijimin e frontit të brendshëm dhe të jashtëm me qëllim mbylljen dhe goditjen e garnizonit gjerman brenda Tiranës.
Operacioni u zhvillua në tri faza: faza përgatitore (12 shtator – 28 tetor), faza e parë e sulmit (29 tetor – 10 nëntor) dhe faza e sulmit përfundimtar (11 – 17 nëntor).
Operacioni i mësymjes për çlirimin e Tiranës përfundoi me fitore, pas 19 ditë luftimesh të ashpra brenda në qytet, si dhe gjatë rrugëve të komunikacionit që çonin drejt tij. Më 17 nëntor Tirana u çlirua. Rol të veçantë për suksesin e operacionit luajti beteja e Mushqetasë.
Sali Berisha, gjatë një konference nga arresti shtëpiak
Ish-kryeministri Sali Berisha, nën arrest shtëpie prej gati një viti, ka kujtuar atë që ai e quajti “masakra e terrorit të kuq” të tetor-nëntorit, teksa sot kujtohej 17 Nëntori, çlirimi i Tiranës.
Ai ka përshëndetur shoqatën e Unioni të të Përndjekurve, e drejtuar nga Besim Ndregjoni, që kujtoi viktimat e komunizmit, si dhe familjarët e viktimave “të terrorit të kuq”.
“17 Nëntori shënon zëvendësimin e një pushtimi të huaj, me një pushtim të egër, barbar, të brendshëm që do të zgjaste, jo 1 apo 2 vite, por do të zgjaste 46 vite. Me 17 nëntor banda terroriste e Enver Hoxhës, e shndërruar totalisht në vegël të Beogradit, do të vendoste në Tiranë pushtetin e saj, pasi kishte shndërruar luftën e shqiptarëve për liri dhe dinjitet kombëtar, në një luftë vëllavrasëse antikombëtare”, tha ai.
Më tej kujtoi se sot nderoheshin 39 viktima të masakrës tetor-nëntor. “Në fakt ato janë mbi 100”, u shpreh kreu i PD.
“Nderojmë një nga masakrat, aktet terroriste më të shëmtuara të regjimit, e projektuar nga të dërguarit e Beogradit, dhe përfaqësuesi i tyre në Shqipëri, Enver Hoxha. E ekzekutuar nga terroristët Kristo Themelko, Beqir Balluku dhe banda të tjera. Heronjtë e kësaj masakre ishin atdhetarë, të cilët kishin luftuar kundër pushtuesve, ose kishin ndërgjegje të pastër, të qetë, dhe asnjë motiv për tu larguar dhe për të mos i shërbyer vendit dhe kombit të tyre”, tha Berisha ndër të tjera.
Berisaha tha se ata ishin “të papajtueshëm me ideologjinë çnjerëzore, komuniste, pasardhës të familjeve që kishin firmosur pavarësi, që kishin luftuar dhe dhënë kontribut thelbësor në ndërtimin e shtetit shqiptar”.
“U vranë në mënyrën më tinëzare, më mizore, më barbare. Në pragun e derës së shtëpisë së vet. Të mbledhur në Bristol dhe të ekzekutuar në një bodrum, të hedhur në Priskë në lum, masakra e tetor-nëntorit është një masakër makabre, të cilën vetë ata që e kryen e shpallën akt terrorist, por qyteti u përgjak. Vazhduan për 46 vite me radhë ekzekutimin e armiqve të tyre, qëndrestarëve, heronjve të fjalës së lirë, besimit tek Zoti dhe besimit tek Shqipëria”, përfundoi Berisha.
Tirana përkujtoi sot 80-vjetorin e Çlirimit nga pushtuesit nazi-fashistë. Në ceremoninë e nderimit pranë monumentit të Ushtarit të Panjohur morën pjesë një numër i madh personalitetesh, përfaqësues të qeverisë, veteranë të LANÇ-it dhe qytetarë të shumtë.
Kryetari i Bashkisë së Tiranës, Erion Veliaj, nënvizoi se ashtu si partizanët kapërcyen ndasitë për çlirimin e Tiranës, qytetarët sot duhet të ngrihen mbi ndasitë dhe konfliktet e panevojshme, për të ndërtuar një shoqëri më të drejtë, më moderne dhe më solidare.
“Ashtu si partizanët u ngritën mbi ndasitë e kohës për të çliruar Tiranën, ne sot ngrihemi mbi egoizmin, ndarjet dhe përplasjet e panevojshme për të ndërtuar një shoqëri më të drejtë, më të fisme, më të hapur, më solidare dhe më moderne. Por, mbi të gjitha, më progresiste dhe më të përparuar. Historia na mëson se çdo çlirim kërkon sakrifica, dhe ndonjëherë ato sakrifica janë të heshtura: të braktisim mendësitë që na mbajnë prapa, të pranojmë të renë dhe të guxojmë të sfidojmë traditat që nuk kanë më vend në të sotmen. Çdo brez ka luftën e tij dhe, ndonëse e jona nuk ka predha dhe mortaja, ajo kërkon të njëjtën forcë shpirtërore dhe të njëjtin idealizëm. Sepse, siç mësoi Tirana atë mëngjes të çlirimit, çdo shkatërrim, sado i madh, mund të jetë fillimi i një jete të re. Kjo vlen si për qytetet ashtu edhe për zemrat dhe mendjet tona. Sepse ‘sakrifica është çmimi që paguajmë për lirinë’”, u shpreh Veliaj.
Veliaj theksoi rëndësinë për ta mbrojtur lirinë, teksa sot kryeqyteti jeton ditët e veta më të mira.
“80 vjet më pas, Tirana dhe Shqipëria janë më të forta se kurrë! Para dy vitesh Tirana mbajti titullin Kryeqyteti Europian i Rinisë, vjet ishte Qyteti Europian i Sportit, ndërsa vitin tjetër do të jetë Kryeqyteti Mesdhetar i Kulturës dhe Dialogut. Falë atij çlirimi dhe dinjiteti, sot Tirana është më Europiane, më e zhvilluar dhe më e përparuar se kurrë më parë. Sot ne festojmë lirinë, por njëkohësisht reflektojmë për përgjegjësinë tonë si qytetarë, për të mbrojtur dhe zhvilluar këtë trashëgimi të çmuar. Le të jetë kjo ditë një kujtese e përhershme se sakrifica dhe uniteti janë çelësi për një të ardhme më të ndritur”, tha Veliaj.
Ai shtoi se ruajtja e së kaluarës nuk është thjesht një detyrim moral, por edhe një akt përgjegjësie për të ardhmen, se trashëgimia jonë kulturore dhe historike është themeli mbi të cilët ndërtojmë identitetin dhe aspiratat tona për të ardhmen.
“Një tjetër luftë vazhdon sot. Lufta ndaj një armiku që nuk ka uniformë dhe as armë, por që ngjitet si një hije e së shkuarës në mendësitë e vjetra dhe zakonet që na mbajnë peng. Sot, barrikadat nuk janë më prej karrocash, karrigesh apo mobiliesh të vjetra, por prej frikës dhe hezitimit për të ndryshuar e për të përqafuar progresin. Fasadat e dëmtuara nuk janë më nëpër rrugë, por në mendjet tona, ku shpesh mbajmë të pandryshuara besimet që i përkasin një kohe tjetër. Si atëherë, kjo është një betejë rrugë më rrugë, ide më ide, mendje më mendje dhe zemër më zemër. Si atëherë, kërkon guxim për të ngritur flamurin e një të ardhmeje më të mirë se sa e sotmja”, tha ai.
Kryetarja e Kuvendit të Shqipërisë, Elisa Spiropali deklaroi se lufta për Tiranën dhe çlirimi i Shqipërisë është një testament historik, një busull morale, për orientimin e shoqërisë shqiptare për të bërë zgjedhjet e duhura në këto kohë sërish dramatike për njerëzimin.
“Antifashizmi është një nga vlerat më të mëdha të qytetetërimit europian të së shkuarës së afërme dhe një nga garancitë më solemne të së ardhmes. Shqipëria është rreshtuar sot nën anën e duhur të historisë, duke zgjehdur dritën mbi errësirën, të drejtën përpara forcës së egër, lirinë dhe sakrificën, për liri bazuar në vlerat më të mira të njerëzimit. Shqipëria europiane, të cilës i jemi përkushtuar me premtimin se për pak vjet do ta bëjmë anëtare të denjë të Bashkimit Europian, është padyshim pjesë e këtij testament historik me rrënjët në Shqipërinë antifashiste”, deklaroi Spiropali.
Prefekti i Qarkut të Tiranës, Afrim Qendro, kujtoi rëndësinë historike të kësaj ngjarjeje. Ai vlerësoi sakrificat e atyre që luftuan për lirinë e kryeqytetit dhe rolin e çlirimit si pikë kthese për luftën nacionalçlirimtare.
“17 nëntori që na ka mbledhur nuk është një ceremoni e rastësishme, as ngjarje e shënuar nga fati, jemi këtu falë atyre që lumtuan për Tiranën dhe dhanë jetën për këtë qytet. Çlirimi i kryeqytretit përbënte një pikë kthese të Luftës Nacionalçlirimtare të atdheut. Asnjëherë ata nuk patën dyshime se kauza e tyre ishte e drejtë. Ata ishin çlirimtarët, jo pushtuesit, ndaj dolën faqebardhë nga betejat e përgjakshme të këtij qyteti. 80 vite më pas ne jetojmë në paqe. Secili nga ne e ka për detyrë të japë kontributin për vendin, që e ardhmja të jetë më e ndritur se e shkuara”, deklaroi Qendro.
Komente
Ai regjim nuk ishte lule,por kur flet Sali Berisha i perzgjedhur mga regjimi per besnikeri te studionte ne universitet e te specializohej jashte,kur te afermit e atyre viktimave ,nuk u lejohej shkollimi ,se per te dale jashte as qe behej fjale dhe kur Berisha shperblehej me pune e tituj si sekretar partie e doktor i Bllokut ne Tirane,kur ata qyqare i binin kazmave neper kanalet e fermat ne zonat me te humbura te vendit,eshte absurditet dhe hiprokizi dhe e papranueshme.
PërgjigjuLAVDI L.A.NC.ÇL. E PËRJETSHËME VEPRA E KUJTIMI I TYRE, POR JOOO VETËM ME FJALË!AJOTË BËHET ME LUFTË NGA FORCA POLITIKE NGA FORCA POLITIKE QË PRETENDON, SE MESA SHOHIM NNËRËN DIRË E MBAN TE DËSHMORËT E PARTIZANËT ME FJALË DHE DORËN TJETËT NGA REABILITIMI I BASHKËPUNTORËVE TË NAZI-FASHISMIT NË EMËR KJO TË ANTIKOMUNIZMIT.JOOOO KËSHTU E NDERUAR P.S.SH.E.RAMA SI MBAJTI TËRË ATË ELEGJI PËR MITAD TRADHËTARIN LE TË FLASI DHE PËR GOGO NUSHIN SE PI DHE KAFE NË BEHAR NË FSHAT.NE KEMI VOTUAR DERI MË TASHMË JUVE MOS NA MOHONI GJAKUN E SAKRIFICAT E PRINDËRVE DHE TONAT.
PërgjigjuZoti VELIAJ duhet te behet president ne 2027
PërgjigjuSikur te shikonin deshmoret se çfare hajdutesh vijne e u vene buqeta lulesh mbi varr…
PërgjigjuLavdi luftes ncl,partizaneve,..nje nga periudhat me te ndritura te historise se shqiperise,lufta partizane cliroi vendin nga pushtuesit nazifashiste dhe bashkepunetoret e tyre,forcoi pavaresine,Solli progresin dne,arsim,shendetesi,emancipimin e gruas,u zhvillua bujqesia,industria shkenca ,mbrojtja,siguria,paqia sociale ,u forcua uniteti ...edhe sot ndihet vepra e te reneve...lavdi perjete luftetareve per paqe ,drejtesi e vellazeri
Përgjigju