TIRANË- Për herë të parë, Kuvendi i Shqipërisë u rrethua me gard metalik për të mbrojtur parlamentin nga ‘mosbindja civile’ e opozitës. Punonjësit e Gardës u kujdesën që të mos lejonin deputetët e përjashtuar të opozitës të futen në sallë, me qëllim që mos përsëritej një situatë si ajo e 30 shtatorit, por gjendja dukshëm nuk ishte më e mirë.
Të përjashtuarit që i vunë flakën karrigeve ishin sërish protagonistët kryesor të filmit, Flamur Noka, Gazment Bardhi, Bledjon Nallbati e Dash Sula u përplasën fizikisht me punonjësit e Gardës në përpjekje për t’u futur në seancë plenare.
Zjarr edhe në këtë seancë, por këtë herë për të djegur një banderolë të madhe që shënjestronte kryeministrin me mbishkrimin ‘Edi Rama Mafaia’. Flamur Noka hodhi benzinë në banderolë me qëllim për ta djegur, por ndërhyri Garda. Me një prej tyre, deputeti i PD u përplas ashpër, ndërsa të tjerëve u hodhi shishen plastike në të cilën kishte benzinën. Çuditshëm, Dash Sula dogji edhe xhaketën e tij.
Disa prej deputetëve arritën të futen në seancë. Aksioni vazhdonte edhe aty. Karriget u bënë sërish pirg në foltoren e parlamentit nga deputetit Petrit Doda, të cilin kryetarja e Kuvendit Elisa Spiropali e përjashtoi për aktin.
Ndërsa Elda Hoti që dy javë më parë në çantë mbante benzinën për të djegur karriget, këtë herë hodhi në sallën e parlamentit një tjetër lëndë të lëngshme. Spiropali tha se ishte benzinë dhe kërkoi verifikim, ndërsa Hoti jashtë sallës për mediat tha se ishte aromatizues.
Një tjetër protagoniste ishte edhe deputetja Albana Vokshi, e cila nuk lejonte socialistët të flisnin. Madje mbajti të bllokuar edhe foltoren, duke penguar kështu raportimin vjetor të KLSH në Kuvend, si edhe një interpelancë që opozitari Agron Shehaj kishte me ministren e Turizmit, Mirela Kumbaro.
Rikthimi në seancë pas pushimit 10 minuta, i kishte larguar deputetët e opozitës dhe seanca vijoi e qetë pjesën e mbetur, vetëm me socialistët që për të shmangur përplasjet në hyrje të parlamentit, kishin hyrë 1 orë para nisjes së seancës.
Aksioni i opozitës nxiti tonet e larta të dy prej figurave kryesore të socialistëve, Erion Braçes dhe Pandeli Majkos.
"Benzina e futur në shishe është armë vdekjeprurëse dhe duhet t’i vendosim emrin që ka. E ndodhur në një parlament në zemër të Europës është një ngjarje e tmerrshme. Unë nuk e di si do sillen e ca do bëjnë këta në Parlamentin Europian, por të shkosh para Parlamentit Europian me çantë ku brenda ka benzinë, është e tmerrshme për prezantimin e këtij vendi, jo për prezantimin e tyre. Ajo që më dhemb sot është prezantimi i këtij vendi", tha Braçe.
“Më thoni pse dogjët me molotov selinë e Partisë Socialiste. Ishte akt i paprecedentë dhe që s’kishte ndodhur kurrë më parë në historinë e politikës shqiptare. Nuk ndodhi as kur pati luftë e u shkëmbyen plumba (trazirat e 1997). Më shpjegoni pse dogjët me molotov selinë e PS?!", tha Majko.
Seanca vijoi me prezencën e 73 deputetëve socialistë, të cilët votuan projekt-ligjet e parashikuara. votimin e kryetares së KLGJ-së Violanda Theodhori me 69 vota si dhe anëtarin e KLP, Erjon Fejzulla. Ndërsa zgjedhja e kreut të AMF, Pajtim Melani dështoi pasi mori vetëm 12 pro dhe 58 kundër. Të gjendur në një situatë aspak normale si brenda e jashtë parlamentit socialist këtu detyruan të largohen daljet anësore.
Seanca parlamentare ka përfunduar pak më parë me votimin e projekteve dhe kandidaturave.
Rezoluta për KLSH kaloi me 73 pro, nga po ky numër i pranishëm deputëtësh në sallë. Po kështu edhe Shërbimi Veterinar, me të njëjtin numër votash.
Seanca vijoi më pas teksa Spiropali kërkoi votimin e kryetares së KLGJ-së. Violanda Theodhori zëvendëson në institucionin e drejtësisë Llagamin dhe teksa kaloi automatikisht, pasi ishte rendi i tretë i votimit sipas ligjit.
Theodhori vjen nga Shoqëria Civile dhe me 69 vota pro zgjidhet automatikisht. Po kështu Alfred Ballën te KLP, pasi humbi mandatin për shkak të vendimit të KPA, e zëvendëson Erjon Fejzulla, po me 68 vota pro dhe kalon automatikisht. Votimi vijoi me zgjedhjen e kreut të AMF, Pajtim Melani, por që mori vetëm 12 pro dhe 58 kundërr, teksa u rrëzua.
Këto janë disa nga fotot se çfarë nuk u pa gjatë seancës së sotme plenare.
Deputetët e opozitës që ishin të pranishëm në sallën e Kuvendit krijuan tensione dhe kaos duke mbledhur karriget pirg në foltore.
Pas 10 minutave pushim seanca vazhdoi vetëm me deputetët e PS ndërkohë ata të opozitës u larguan.
Teksa e quajti të paprecedentë sjelljen e deputetëve të opozitës para Parlamentit dhe brenda në sallë, duke u kujtuar kolegëve se me këtë sjellje do të shkojnë në Bruksel për të protestuar, deputeti Socialist Erjon Braçe kërkoi marrjen e masave ndaj shkelësve.
Ai vuri në dukje se opozita dhe PD në veçanti nuk “po tregonin vetën, por po tregojnë Shqipërinë” në sytë e botës. “Ndëshkim sipas ligjeve penale të Republikës së Shqipërisë!”, apeloi deputeti socialist ndër të tjera në fjalën e tij.
"Benzina e futur në shishe është armë vdekjeprurëse dhe duhet t’i vendosim emrin që ka. E ndodhur në një parlament në zemër të Europës është një ngjarje e tmerrshme. Unë nuk e di si do sillen e ca do bëjnë këta në Parlamentin Europian, atje ku po e lançon ideologu i tyre. Por të shkosh para Parlamentit Europian me çantë ku brenda ka benzinë, është e tmerrshme për prezantimin e këtij vendi, jo për prezantimin e tyre. Ajo që më dhemb sot është prezantimi i këtij vendi", tha Braçe.
Nga ana tjetër, deputeti Pandeli Majko u kthye tek protestën e dhunshme të 7 tetorit, ku opozita sulmoi me molotov edhe selinë e PS.
“Më thoni pse dogjët me molotov selinë e Partisë Socialiste. Ishte akt i paprecedentë dhe që s’kishte ndodhur kurrë më parë në historinë e politikës shqiptare. Nuk ndodhi as kur pati luftë e u shkëmbyen plumba (trazirat e 1997). Më shpjegoni pse dogjët me molotov selinë e PS?!”, tha Majko, duke kërkuar llogari nga opozitarët e PD.
Pas tensioneve në Kuvend ka rinisur sërish seanca plenare pas 10 minutave pushim.
Të pranishëm janë vetëm deputetëve e PS, pasi opozita është larguar
Vijojnë diskutimet për çështjet e rendit të ditës.
Gardistët ndërhynë pasi Flamur Noka spërkati banderolën me benzinë dhe më pas i vuri zjarrin.
Por jo vetëm kaq, sepse paralelisht ishte edhe deputeti tjetër Dashnor Sula që hoqi xhaketën e tij dhe e hodhi përtokë. E spërkati me benzinë për t’i vënë zjarrin. Gardistët ndërhynë përsëri dhe ai dështoi në tentativën e parë.
Por jo në të dytën. Teksa e mbante në dorë, i ndihmuar nga Noka e spërkati me benzinë dhe i vuri zjarrin me çakmak në tokë.
Në moment një tjetër koleg e ngriti në flakë xhaketën duke e hedhur mbi gardhin e hekurt, ku ndodhej edhe banderola.
Dashnor Sula djeg xhaketën para Parlamentit
Deputetët e opozitës të përjashtuar nga Parlamenti kanë vijuar protestën dhe konfliktet me Gardën para godinës.
Incidenti ka vijuar me vendosjen e zjarrit te banderola e PD, ku shkruhej “Edi Rama, Mafia!”.
Gardistët ndërhynë pasi Flamur Noka spërkati banderolën me benzinë dhe më pas i vuri zjarrin. Ai u ndihmua edhe nga kolegu i tij, Bledjon Nallbati.
Por jo vetëm kaq, sepse paralelisht ishte edhe deputeti tjetër Dashnor Sula që hoqi xhaketën e tij dhe e hodhi përtokë. E spërkati me benzinë për t’i vënë zjarrin.
Foto: Elda Hoti
Për shkak të tensioneve në Kuvend seanca plenare do të pushojë për 10 minuta.
Kryetarja e Kuvendit Elisa Spiropali është shprehur se do të verifikohet se çfarë lënde hodhi Elda Hoti.
Deputetët e opozitës janë përplasur me Gardën para Kuvendit.
Gazment Bardhi ka deklaruar se “kjo është fytyra e shtetit demokratik”, duke iu referuar masave të Gardës që kanë vënë gardh metalik në hyrje të Kuvendit.
"Shteti demokratik ky është. Kjo është fytyra e shtetit demokratik.
Hape rrugën se do kalojë zonja, ca më shikon ashtu. Ja, kapitulli i parë i anëtarësimit në BE", tha Bardhi, ndërsa përplasej me gardistët.
“Ça është këtu 313-ta?”, iu është drejtuar Elda Hoti punonjësve të Gardës, që qëndronin në shkallët e Kuvendit.
Bledjon Nallbati: Hapeni rrugën, si i trajtoni disa si të nënës dhe disa si të njerkës.
Elda Hoti: Ca është këtu 313-ta?
Gazment Bardhi: Kjo është fytyra e një shteti kandidat për t’u anëtarësuar në BE! Fiks kapitulli i parë
Albana Vokshi: Kë po mbroni hajdutët?
Gazment Bardhi: Hape rrugën ore legen. S’do kalojë zonja në mesin tuaj…
Teksa kaosi dhe tensionet në Parlament ditën e sotme janë në maksimum, me protestë jashtë godinës nga të përjashtuarit dhe nga zhurmat dhe sulmet e të tjerëve brenda, ka pasur edhe incidente.
Deputetët e PD vijuan me kaosin në sallë duke mbledhur karriget pirg në foltore.
Spiropali përjashtoi Elda Hotin dhe Petrit Dodën. Edhe në këto momente deputetët nuk e kanë zbatuar vendimin dhe vijojnë të bllokojnë kolegët e mazhorancës dhe seancën.
Kaosi sot në Kuvend
Foto: Bllokimi i foltores
Deputetja e PD Albana Vokshi ka bllokon foltoren duke pënguar KLSH të raportojë.
Ndërkohë deputeti Agron Shehaj ka hequr dorë nga interpelanca.
"Lejoni deputetët e opozitës që nuk janë të përjashtuar të futen në seancë plenare", tha Shehaj.
Lejen nuk e jap unë. Janë të lrië të futen. Do mbani apo jo interpeleancën? Nëse jo quhet e kryer interpelanca. Zoti Shehaj e konsoideroj qe nuk do e mbani interpelancen. Do vazhdjmë me rendin e ditës" iu përgjigj Spiropali.
Ndërsa në sallën e Parlamentit ka mbizotëruar kaosi, ku deputetët e opozitës të papërjashtuar dhe veçanërisht ata të PD tentuan të pengonin seancën, një episod ra në sy.
Pak pasi deputeti i PDDNJ, njëkohësisht kryetar i saj, Vangjel Dule, mbajti fjalën e tij, u pa teksa i bashkohej kolegut republikan Fatmir Mediu, duke marrë rrugën për të dalë.
Të dy ligjvënësit kanë lënë sallën duke shkuar në kafene, teksa brenda tensionet kanë qenë në maksimum.
Një nga deputetët duke dalë nga salla
Me tone të ashpra i është kthyer deputeti socialit Erion Braçe, deputetëve të PD të cilët po krijojnë kaos në sallë. Braçe duke u ndalur tek gardhi metalik, u kthye pas në kohë duke thënë se në ‘97 është futur në Kuvend i larë në gjak.
Braçe: Ju i bëtë thirrje disa herë deputetëve që janë të padënuar të PD që të futen në sallë. Do doja t’i bënit thirrje PD të lejojë deputetët e pa përjashtuar në sallë. E kanë me njëri tjetrin, jo me kuvendin, as me këtë palën këtu. Ne folëm për ata që ka ndodhur jo më larg se dy ditë më parë, me të ardhmen e Shqipërisë, jo me të shkuarën e Shqipërisë. Këtu ka dy botë, një botë që punon dhe sheh të ardhmen dhe një botë që kërkon me çdo kusht të mbajë të shkuarën. E kanë gabimin, te historia e shkuar nuk vajtëm ne, shkuan këta. Meqë unë Pandi dhe Salih Berisha kemi ngelur më të vjetrit këtu do doja të kujtoja që jam zgjedhur deputet në 96, kur zotëria që është atje i la PS vetëm 10 deputetë. Unë me thënë të drejtën jam një ndër ata që kam hyrë në Kuvend i larë në gjak, jo si ata që janë atje jashtë. Kur kam hyrë në këtë sallë në prill 97, Tirana nuk ishte me gardh për të rregulluar hyrjen normale të ca njerëzve, por në shtet rrethim që drejtohej nga shefi i shtabit, kryetari i shik. Ai zotëria që ishte kryetari i PD, vinte këtu na sulmonte ne dhe ata që kishin organizuar grushtin e shteti, njësoj siç sulmon SHBA. Komike.
Teksa fjalën e mori deputeti i PS, Petro Koçi, i cili akuzoi PD se merrte urdhra nga “tezga e Sali berishës” për të mbrojtur interesat e tij, tensionet janë rritur.
Ka qenë deputetja e PD, Albana Vokshi që iu turr kolegut të mazhorancës tek tavolina për ta sulmuar. Teksa Koçi po fliste duke akuzuar kolegët opozitarë për dhunën dhe kaosin e shkaktuar për interesa politike, Vokshi tentoi t’i afrohej, duke e akuzuar, por Garda e ka penguar.
Kryepralamentarja Spiropali i tërhoqi vëmendjen Vokshit, duke i kujtuar se “s’kishte asnjë të drejtë të dhunonte deputetët”.
“Kjo nuk është sjellje prej gruaje. Kjo nuk është sjellje e pranueshme prej jush dhe kolegeve të tjera!”, tha Spiropali.
Ministri i brendshëm Ervin Hoxha mes tensioneve në Kuvend gjatë fjalës së tij tha se do të bëjnë kallëzim penal në Prokurori.
“Të nderuar deputetë. Garda e Republikës është duke kryer detyrën e vet. Këtu nuk bëhet fjala për deputetë e përjashtuar. Një pjesë e juaja nuk po i përmbahet rregullave dhe regjimit të kontrollit të brendshëm, bëhet fjalë për zjarrëvnie të qëllimshme. Të gjitha provat do të fiksohen dhe do të bëjmë kallëzim penal drejtuar Prokurorisë" tha Hoxha.
Pandeli Majko, i indinjuar me opozitën sot në Parlament
Deputeti socialist Pandeli Majko ka folur në seancën parlamentare sot, duke akuzuar Opozitën për protestën e dhunshme të 7 Tetorit, ku jo vetëm u dogjën institucionet, por edhe selia e PS.
Ish-kryeministri socialist dhe drejtues i selisë rozë e dënoi këtë sulm të paprecedentë me motive politike dhe u kërkoi llogari kolegëve opozitarë.
“Më thoni pse dogjët me molotov selinë e Partisë Socialiste. Ishte akt i paprecedentë dhe që s’kishte ndodhur kurrë më parë në historinë e politikës shqiptare. Nuk ndodhi as kur pati luftë e u shkëmbyen plumba (trazirat e 1997). Më shpjegoni pse dogjët me molotov selinë e PS?!”, tha Majko, duke kërkuar llogari nga opozitarët e PD.
Kryetarja e Kuvendit, Elisa Spiropali ka njoftuar sot gjatë seancës parlamentare dorëheqjen e Jurgis Çyrbjes. Deputeti socialist akuzohet për ‘shpërdorim detyre’ gjatë kohës kur ai ka qenë në krye të hipotekës së Durrësit.
"Ju njoftoj se datën 9.10.2024 deputeti Jyrgis Çyrbja ka njoftuar heqjen dorë nga mandate i deputetit. ju njoftojmë mbarimin para afatit të mandatit të deputetit kolegut tonë për shkak të dorëheqjes" tha Spiropali.
Opozita po proteston para Parlamentit, teksa deputetët e përjashtuar po tentojnë të hyjnë me forcë në sallë, duke u penguar nga garda, që ka vendosur edhe gardh metalik para godinës.
Teksa deputetë të opozitës të papërjashtuar hynë me vështirësi në sallë, jashtë të përjashtuarit kanë vijuar konfrontimin me Gardën, duke u përplasur.
Gjithashtu ata varën te gardhi metalik edhe banderolën me shënimin “Edi Rama: Mafia!”.
Ka qenë deputeti Dashnor Sula që tentoi disa herë të kalonte gardhin me forcë, por pa sukses. Disa prej tyre kaluan nga pjesa e pasme e Parlamentit, por sërish u penguan.
Deputetët e PD kanë thënë në sallë se Garda nuk po lejon deputetët e përjashtuar të futen në sallë.
Sorina Koti: Jemi rrethuar të gjithë me një gardh prej hekuri, që edhe pse nuk jemi përjashtuara nuk jemi lejuar të futemi. Ose Garda të marrë masa të lejojë deputetët që s’janë të përjashtuar të futen brenda, ose po ktheni një diktaturë që vetëm ju e dini. Merrni masa një orë e më parë.
Spiropali: Deputetët e përjashtuar nuk mund të futen, të gjithë deputetët e tjerë janë të mirëpritur të futen.
Tritan Shehu: Grusht shteti i vërtetë, po bllokohen deputetët në sallë. Janë deputetët gjoja të padënuar nga ju, Garad nuk i lejon të futet, e kuptoni se çdo të thotë kjo, të vendet rendi ushtarak në Kuvend. Dilni atje dhe shikoni çfarë bëhet. Nuk ka njeri forcë në botë të bllokojë deputetët të futen në kuvend.
Nuk kanë munguar tensionet edhe brenda sallës së Parlamentit pasi ka nisur seanca.
Teksa Elisa Spiropali hapi seancën për të mbajtur fjalën për grup-kapitujt, kanë qenë deputetët opozitarë të papërjashtuar që shkaktuan tensione dhe kaos duke mbledhur karriget pranë foltores, për të penguar seancën.
Por jo vetëm kaq, pasi deputetët e PD të padënuar që ishin brenda dhe ata të tjerë, u panë e dëgjuan duke akuzuar dhe goditur karriget, teksa shkaktuan edhe zhurmë.
Foto: Flamur Noka dhe Dash Sula
Kanë nisur tensionet para Kuvendit. Opozitari Flamur Noka së bashku me Dash Sulën kanë tentuar që të shtyjnë gardhin metalik, por pa sukses.
Ndërkohë mes tensioneve Noka ka thënë se parlamenti është shndërruar në burg.
“Ky parlament është shndërruar në burg të sigurisë së lartë. Parlamenti i një vendi që dje tha se do fillojë firmosjen e kapitujve për hapjen e negociatave” tha Noka .
Opozita po përplaset me Gardën, pasi të përjashtuarit nuk lejohen të futen në sallën e Kuvendit.
Dash Sula tentoi disa herë të kalojë gardhin metalik, por nuk u lejua nga punonjësit e Gardës, me të cilët edhe u përplas.
Tensionet e sotme para Parlamentit
Tensioned he deri përplasje fizike, por Garda s’i ka lejuar.
Gazment Bardhi u dëgjua teksa akuzonte qeverinë dhe mazhorancën.
“Ja, kapitulli i parë i negociatave për integrimin”, u shpreh ai.
Teksa më tej u ndoq edhe nga Flamur Noka:
“Mos i shërbeni hajdutëve. Parlamenti i krimit. Ja si do shkojë në BE, ky është kapitulli i parë i integrimit. E keni shndërruar në burg, nuk është qeli burgu Parlamenti! Burgu i sigurisë së lartë, ky është Parlamenti që firmosi kapitujt për integrimin. Është sh ndërruar në burg të sigurisë së lartë!”.
Nisin tensionet e deputetëve të opozitës para parlamentit. Flamur Noka përplaset me Gardën dhe tenton të shkulë gardhin metalik. Nuk munguan konfrontimet fizike, deputeti i përjashtuar Bledjon Nallbati përplaset fizikisht me gardistët.
“Mos mbroni hajdutët. T’ju vij zor! Hapja rrugën se jemi pa përjashtuar”, dëgjohen deputetët e opozitës.
Edhe ligjvënësi Dashnor Sula tentoi të hynte me forcë, por s'u lejua.
"Shërbejini Edit, shërbejini. Ja, si duket Garda, shteti", vijojnë ata.
Teksa pritet që të mbahet seanca e shtyrë parlamentare e javës së kaluar, Report Tv ka siguruar foto brenda ambientit të Kuvendit. Ashtu edhe siç shihet nga fotoja karriget që dogji Opozita në seancën e 30 shtatorit nuk janë zëvendësuar akoma.
Ndërkohë disa prej deputetëe të cilët kanë ardhur që prej orës 8:30 janë futur brenda për t’ iu shmangur tensioneve të mundshme.
Jo vetëm gardh metalik dhe forca të shtuara sigurie të Gardës së Republikës, por edhe zjarrfikëse.
Një mjet i repartit të Zjarrfikëses u pa teksa hynte në ambientet e institucionit të Parlamentit mëngjesin e sotëm, që do i shërbejë masave të përforcuara të autoriteteve, për të shmabgur incidentet që mund të vijnë nga vendosja e zjarrit, siç ndodhi me djegien e karrigeve dhe manekinëve.
Është vetëm një mjet zjarrfikës deri tani, teksa para hyrjes u vendos edhe gardhi metalik. Deputetët po vijnë njëri pas tjetrit, teksa ata të opozitës kanë lajmëruar se do tentojnë të hyjnë brenda, edhe pse të përjashtuar.
Mbërritja e deputetëve të parë të PS në Parlament
Kanë nisur të mbërrijnë deputetët e parë në Parlament, teksa Garda e Republikës ka forcuar masat e sigurisë, duke e rrethuar hyrjen e godinës me gardh metalik.
Kjo masë vjen pas tensioneve seancën e fundit, kur deputetët e përjashtuar të PD-së bllokuan hyrjen dhe tentuan të futeshin në Kuvend, duke u konfrontuar me kolegët dhe gardistët.
Deputetët e parë që kanë mbërritur janë ata të mazhorancës, që u panë të hynin në institucion. Teksa kjo është hera e parë që para hyrjes së Parlamentit vendoset gardhi metalik.
Pas lajmit për masat e sigurisë të shtuara nga Garda e Republikës para Parlamentit, ka reaguar edhe kreu i grupit të PD-së, Gazment Bardhi, me një postim në rrjetin social facebook, duke ndarë edhe një video.
Deputeti opozitar vë në dukje faktin e rrethimit me gardh metalik të hyrjes së institucionit, duke theksuar se:
“Shqipëria bëhet kështu vendi i vetëm, që nga njëra anë është vend anëtar i NATO-s dhe vend kandidat për në Bashkimin Europian, dhe nga ana tjetër rrethon hyrjen kryesore të Kuvendit për ta mbrojtur nga deputetët “armiq”.
Bardhi shtoi se ky është një “akt që turpëron Shqipërinë”.
Postimi i Bardhit:
“Ky është Kuvendi i Shqipërisë sot në mëngjes! Dera kryesore e tij e rrethuar me hekura dhe me më shumë forca sigurie sesa deputetë.
Shqipëria bëhet kështu vendi i vetëm, që nga njëra anë është vend anëtar i NATO-s dhe vend kandidat për në Bashkimin Europian, dhe nga ana tjetër rrethon hyrjen kryesore të Kuvendit për ta mbrojtur nga deputetët “armiq”!
Kuvendi nuk është burg dhe as qeli burgu, edhe pse shumica e përfaqësuesve të mazhorancës qeverisëse duhet të ishte në burg dhe jo në atë sallë. Shndërrimi i Kuvendit në “qelinë e rrethuar me hekura” të Pëllumb Gjokës e të ngjashmëve të tij është një akt që turpëron Shqipërinë dhe çdo shqiptar!”
Komente
deputete qe bejne lufte me garden!
PërgjigjuDuke sulmuar fizikisht depuetet dhe godinen e krahut tjeter po tentojne te nxisin nje lufte civile dhe per kete duhen denuar shume rende ligjerisht. Prania e FNSH brenda rrethimit eshte e papranueshme dhe antiligjore. Pergjegjesi per kete duhet te ndeshkohet po ashtu rende. Garda i ka te gjitha mjetet dhe paisjet per kete funksion. Kush ka bere gafen e rende qe futi policet aty i ka sherbyer qellimit te Sali Qametit.
Përgjigjuvija mes gardes dhe fnsh
Po si ka mundesi te bejne keshtu keta palo deputet po nga mali keni zbrit po dni ta digjni prap shqiperin sic e dogjet ne 97 dhe futet vlla vrasjen o shtet po i fusni ne burge o populle keta jane pushtetaret qe do vine neser vetem te shkaterojne
PërgjigjuNa mbyti halabakeria e qenve te saliut
PërgjigjuKeta anti shqiptar nuk duhet te futen fare ne parlamenti, Institucionet jane prone e popullit dhe jo te ketyre rrugaceve qe e dogjen Shqiperine .
Përgjigju