MILANO - Interi dhe Feyenoordi përplasen sot në ndeshjen e kthimit në 1/8 e Champions League. Ora 21:00 do i gjejë në fushë të dyja skuadrat, me zikaltërit që kanë epërsinë e dy golave nga ndeshja e një jave më parë në Rotterdam.
Trajneri i vendasve, Simone Inzaghi ka planifikuar edhe 'luftëtarët' për këtë duel. Bie në sy se te Interi është lënë jashtë Kristjan Asllani. Edhe pse në sfidën e parë ai luajti 81 minuta shumë të mira dhe ishte ndër më të vlerësuarit në fushë, mediet në Itali tregojnë se mesfushori i Kombëtares është jashtë formacionit titullar.
Trajneri konfirmoi Sommer në portë, ndërsa mbrojtja përbëhet nga Pavard, Acerbi dhe Bisseck. Mesi i fushës nga Dumfries, Frattesi, Calhanoglu, Mkhitaryan dhe Carlos Augusto, me majën e sulmit që do përbëhet nga Thuram dhe Taremi, duke lënë kapitenin Lautaro Martinez në stol.
Formacionet e mundshme, Inter - Feyenoord
Komente
FORZA INTER OVUNQUE E DOVUNQUE...AMALA
Përgjigju