Hakimi i SPAK-ut ka trazuar jo vetëm politikën, drejtësinë, por edhe opinionin publik.
Për juristin Kreshnik Spahiu, mund të ketë dy pista dhe motive për këtë ngjarje të rëndë, teksa shprehet edhe se SPAK-ut nuk ke çfarë t’i hakosh, pasi të dhënat e tij prej kohësh publikohen dhe lexohen në media, përfshi edhe nga njerëz politikë.
“Është ende shpejt për ta paragjykuar çështjen. Ajo që duhet vlerësuar është zbulimi i çështjes dhe arrestimi brenda 24 orëve të personave. Mënyra dhe si u arrestuan, reagimi i shpejtë në lidhje me ngjarjen. Por ka disa detaje te çështja. Targeti i pari, pra nuk është një person apo një prokuror. Personat kanë tentuar të gjitha e-mailet e prokurorëve, por vetëm 3 i kanë thyer, pra ata kanë tentuar të gjithë kompjuterat. Nuk është thyer sistemi nga brenda, por nga jashtë. E treta jemi në një periudhë fushate dhe nuk përjashtohet mundësia që të jenë interesat politike motivi kryesor i arsyes së harkimit të SPAK-ut. Ajo që prisnim më shumë nga SPAK është që ndryshe nga të tjerat si komunikata, ajo është bërë sot për arrestime që janë bërë dy javë më parë. Ku në raste të tjera jepen edhe me detaje. Pra reagimi është bërë dy javë me vonesë”, u shpreh juristi për Report Tv.
Më tej ai theksoi se i rëndësishëm në këtë moment mbetet motivi, sesa personat e arrestuar deri tani. Me interes sipas tij janë personat që qëndrojnë pas sulmit dhe motivi i tij.
“Qytetarëve u intereson motivi më shumë sesa subjektet që mund të jenë anonimë. Përgjigjen nuk e marrin dot nga ne se do bënim konspiracion dhe abuzim informacioni. Kush fshihet pas tyre dhe kush është motivi? Unë e kam vështirë ta besoj se dy njerëz të zakonshëm hynë për të thyer kodet e prokurorëve për të marrë informacionet, që të guxonin apo të ishin të çmendur, të luajnë me jetën për 1, 2 apo 10 mijë euro për t’ua shitur të tjerëve. Përqendrohem te ajo që kemi të bëjmë me persona që duan të japin informacione për persona të tjerë që janë nën hetim, apo janë persona që janë vetë nën hetim e duan të zbulojnë provat e dëshmitarët. Ose për të marrë informacion e shantazhuar personat apo prokurorë që i hetojnë. Këto janë dy pistat që mendoj unë”, u shpreh Spahiu.
Dhe në fund, juristi theksoi se në Shqipëri nuk ka sekrete, pasi ato dalin direkt në pazar apo media dhe lexohen për publikun.
“Në Shqipëri nuk ka sekrete. Unë habitem se çfarë mund t’i hakerosh SPAK, ku dosjet e Prokurorisë dalin në media, dëshmi, prova etj,. dalin në pazar. Në çdo vend tjetër do konsiderohej krim, do kishte masa, sepse cenohet jeta e personave të tjerë”, u shpreh ai.
Komente
KE filluar te reflektosh, zoti Spahiu. Sigurisht, qendron e ato pietà ku ti perqendron vemendjen. Por, mund te jete edhe loje e njerezve te brendeshem te SPAK, per te mbuluar horrlleqet e nxjerrjes, shitjes se sekrete e, qofte per motive POLITIKE, qofte per tregetim. Dhe ca te ashtu QUAJTUR gazeta re shkojne me tej. Percaktojne edhe kullen nga ku u organizuar hakerimet dhe hakeruesit.
Përgjigju