Ish- presidenti i Kosovës që po mbahet në Hagë, Hashim Thaçi, dje i vdiq babai, pasi vuante nga një sëmundje e rëndë.
Specialja i dha leje Thaçit që pak ditë më parë të vizitojë babanë e tij, Haxhi Thaçi, në QKUK ku qëndroi për rreth tri orë nën masa të rrepta sigurie.
Por, Dhomat e Specializuara të pyetura nga mediat në Kosovë nëse do ta lejojnë Thaçin të marrë pjesë në varrimin e babait të tij, thanë se të paraburgosurit kanë të drejtë të ushtrojnë kërkesa për të cilat më pas marrin vendim gjyqtarët.
“Korniza ligjore e Dhomave të Specializuara të Kosovës u mundëson personave të paraburgosur që t’u bëjnë kërkesa gjyqtarëve kompetentë për arsye detyruese humanitare. Gjyqtarët do të vendosin për kërkesa të tilla”, thuhet në përgjigje.
Lajmi kryesor:
Ndahet nga jeta babai i ish-presidentit të Kosovës, Hashim Thaçi! Osmani: Kontributi i tij për atdheun të shndërrohet në udhërrëfyes! Rama: Iku krenar! Kurti letër ngushëllimi familjes
S.B/ReportTv.al