Reperi Arkimed Lushaj u lirua nga burgu 8 muaj pas arrestimit të tij. I njohur me emrin e artit si Stresi, u arrestua në 17 tetor të vitit të kaluar në një hotel në zonën e Linzës me armë dhe kokainë.
Gjatë kontrollit blic, Stresit iu gjet dhe sekuestrua një sasi e vogël kokaine, një armë zjarri pistoletë e tipit “Beretta” si dhe 12 fishekë të modelit 7.65 mm.
Drejtësia e ka dënuar Stresin vetëm për armëmbajtje, ndërsa akuza për kokainën dhe grup kriminal ka rënë duke u dënuar me 3 vite burg nga gjykata.
Si pasojë e gjykimit të shkurtuar, përfundimisht ai u dënua me 2 vite, ndërsa u lirua nga gjykata pas tetë muajsh burg me argumentin se nuk përbën rrezikshmëri.
Menjëherë ka reaguar në rrjetet sociale bashkëshortja e tij Kejsi Lushaj, e cila la Kanadanë për të vizituar në qeli bashkëshortin e saj. ‘Faleminderit Zot’ ka shkruar ajo në rrjetet sociale dhe më pas ka postuar një foto të stresit ku duket triumfues.
Komente
Po jep efekte reforma ne drejtesi.
PërgjigjuPo të ishte ndonjë hallexhi tjetër pa mbështetje e pa para do ishte akoma duke u kalbur në burg për armëmbajtje pa leje. Pfff as ka për t’u bërë ndonjëherë ai vend!!!!!
PërgjigjuPer armembajtje the e? Po per vjedhje buke ore, hallexhiu do i kishte bere 3 vite dite me dite. Dhe ka raste qe dhe ste bejne daljen nga burgu dhe rri dhe ca me shume. Ndersa ky del per 8 muaj, nderkohe qe eshte denuar 2 vjet.