Kush është mbipeshë, rrezikohet më shumë nga infeksioni i koronavirusit.
Alarmi i ri është dhënë nga disa studiues në Britaninë e Madhe.
Sipas studimit të kryer, studim i cili është botuar edhe në revistën “Obeziteti”, thuhet se rreth 75% e pacientëve Covid që ndodhen në terapi intensive kanë probleme me peshën e shtuar trupore, apo thënë ndryshe, mbipeëshën.
Në Britani, 3 nga 10 të rritur janë klinikisht obezë.
Edhe studime të tjera kanë nxjerrë në pah lidhjen mes mbipeshës dhe rrezikut të shtuar të komplikacioneve nga infeksioni i koronavirusit, të tilla si probleme kardiovaskulare apo edhe dëmtim të veshkave.
Në Itali, Claudio Mastroianni, drejtor i klinikës së sëmundjeve infektive pranë poliklinikës Umberto në Romë u shpreh se edhe në rastin e gripit pandemik H1N1, 10 vite më parë, subjektet më të rrezikuara dhe me përqindje të lartë vdekshmërie ishin ata mbipeshë.
