Pas sulmeve të reja masive gjatë natës në disa rajone të Ukrainës, presidenti Volodymyr Zelensky i bëri thirrje komunitetit ndërkombëtar të kalojë nga fjalët në veprime. Rusët, shkroi presidenti ukrainas në një postim në Telegram, lëshuan "gati 540 dronë, tetë raketa balistike dhe 37 raketa të tjera".
Ai tha se në Zaporizhzhia u godit një ndërtesë banimi 5 katëshe, ku humbi jetën një person dhe dhjetëra të tjerë u plagosën, duke shtuar se nga sulmet u prekën edhe Volyn, Dnipro, Donetsk, Zhytomyr, Zaporizhzhia, Ivano-Frankivsk, Kiev, Rivne, Sumy, Kharkiv, Khmelnytskyi, Cherkasy, Chernivtsi, Chernihiv.
"Ne pamë reagimin e botës ndaj bombardimeve të mëparshme. Por tani, me Rusinë që demonstron përsëri se nuk i interesojnë fjalët, ne po mbështetemi në veprime konkrete", shtoi Zelensky.
Lajmi kryesor:
VIDEO/ Ishte duke ecur në trotuar, momenti kur ish-kryetari i parlamentit ukrainas vritet me 8 plumba, vrasësi i maskuar si korrier
Xh.D/ReportTv.al