Nuk do të ketë një takim mes Putin dhe Zelensky tani afër. Për kancelarin gjerman kjo duhet të jetë e qartë për të gjithë. Deklaratën ai e bëri pas sulmeve të kësaj të enjteje ku rusia goditi me mbi 600 drone e raketa Kievin duke lënë të pakën 19 të vdekur mes tyre 4 fëmijë dhe të paktën 45 të plagosur.
Kancelari gjerman e bëri deklaratën përpara një mbledhjeje me Presidentin francez me të cilin ndanë shqetësimet në lidhje luftën në Ukrainë dhe mos arritjes tek një takim për paqen.
Shefi i OKB Antonio Guterres i cilësoi sulmet të papranueshme në një postim në X, ku bëri thirrjen për një armëpushim gjithpërfshirës dhe të menjëhershëm.
I dërguari special i SHBA Keith Kellog pas sulmeve tha se ato janë të turpshme dhe rëndojnë më tej situatën duke minuar përpjekjet e presidentit amerikan Donald trump për paqen.
Shtëpia e Bardhë në një reagim të zëdhënëses tha se Trump nuk ishte i kënaqur me sulmet por as i suprizuar prej tyre.
Në një kohë që të gjithë shpresojnë për nisjen e negociatave për një takim midis Volodymir Zelenskyt dhe Vladmiri Putin Moska shpjegoi se sulmet nuk do të ndalen edhe pse mbetet e interesuar për negociata. Zëdhënësi Dmitri Peskov tha se operacioni ushtarak nuk do të ndalet edhe pse Moska do të vijojë të punojë për procesin negociues, duke kërkuar të arrijë objektivat me mjete diplomatike.
Ai hodhi poshtë edhe raportimet se është arritur një marrëveshje për një armëpushim ajror, duke u thënë gazetarëve se çdo çështje në vijim duhet të diskutohet në mënyrë të fshehtë.
Por deri më tani vetë rusët kanë pohuar se me Ukrainën nuk kanë diskutuar në asnjë kanal komunikimi për të ndërtuar një axhendë negociatash. Pak ditë më parë Sergei Lavrov tha se kjo do të marrë kohë dhe si fillim diskutimet për një takim të nivelit të lartë duhet të zhvillohen nga delegacionet teknike në Stamboll.
Zelensky në një reagim të vonë të enjten tha se në samitin e Shtëpisë së Bardhë liderëve iu është thënë se putin është I gatshëm për një takim me të, por ai siç thotë zgjedhje raketat balistike në vend të hapave konkrete drejt paqes. Të enjten si pasojë e sulmeve ruse, në Kiev u dëmtuan edhe zyrat e delegacionit të BE dhe zyrat diplomatike të këshillit britanik.
Komente
