Klevi Qefalija
Klevi Qefalija i Dinamos është nën vëzhgimin e trajnerit të Kombëtares, Sylvinho. 21-vjeçari ka bërë paraqitje të mira me 'Blutë' dhe mesfushori është futur në listën e pritjes nga trajneri Sylvinho. Shumë shpejt ai pritet të jetë pjesë e kuqezinjve, ndërsa ka marrë komplimenta nga Sylvinho.
"Qefalija i Dinamos ka bërë ndeshje të mira. Më pëlqen. Është teknik, luan me të majtën, nxjerr topin bukur dhe taktikisht shumë inteligjent, ishte në listën e pritjes. Dje pati një lëndim dhe folëm me Dinamon", tha trajneri i Kombëtares.
Lëndimi në barazimin Dinamo 1-1 Jagiellonia nuk u duk aq i rëndë dhe Qefalija pritet që në tetor të bashkohet me Kombëtaren. I dalë nga moshat e Tiranës, ku luajti edhe tre sezone me ekipin A të bardhebluve, në verën e 2024 ai kaloi te Dinamo. Katër ndeshje ka luajtur Qefalija me ekipin Shpresa të Alban Bushit.
Lajmi kryesor:
Botërori 2026/ Sylvinho: S'kemi kohë për eksperimente, me Letoninë ndeshja më e rëndësishme e Kombëtares! Lojtarët të marrin përgjegjësi
S.Dh/ReportTv.al