Seanca e dëgjimit të dëhsmisë së të penduarit Artan tafani në GJKKO ka vijuar më tej edhe me një moment pyetje-përgjigjesh sqaruese për dinamikën, personat e përfshirë, porositësit, financuesit, urdhëruesit dhe takimet për vrasjen e Albi Bashaliut në Peqin, në vitin 2021.
Prokurori Dibra kërkoi sqarime, kurse i penduari tha se Laerti e kërkoi si nder ‘kokën’ e Bashaliut për mikun e tij Lorenc Lala, që thirrej ‘Lili’ dhe ky i fundit e donte për dy vëllezërit Xhahysa, të cilët pretendonin se Bashaliu u kishte vrarë babanë, pra me motiv hakmarrjen. Një prej tyre e takoi në qytetin e Rrogozhinës, që më pas i tregoi edhe banesën e viktimës.
Prokuror Behar Dibra e pyeti të penduarin:
“Si ju ka prezantuar Laert Haxhiu viktimën Albi Bashaliu para vrasjes?”
Tafani u përgjigj:
“Pasi ka komunikuar me Lorenc Lalën, na e ka shpjeguar edhe ne që do i bënim nder “Lilit” (Lorencit)”.
Prokurori kërkoi sqarime:
“Mund të na e sqarosh kush janë cunat e vrarë?”
Tafani vijoi:
“Di që ishin dy çuna qe ishin vëllezër, Enriko Xhahysa dhe një tjetër. Më tha që më kanë vrarë babanë. Pasi ka folur Laerti me Lilin, pasi na ka çu një video Enriko, një makinë e cila ishte e viktimës. Pas videos kam takuar të zotin e hallit, pra Enrikon, në qendër të Rrogozhinës më priste Enriko që të më tregonte shtëpinë e viktimës. Enriko kishte veshur një bluzë gri me kapuç, hyri në makinë u shtrri. U nisëm për në fshat më tregoi lokalin, shtëpinë, pak më lart kishte shtëpinë Enriko. Nuk kam pasur takime të tjera”.
Prokurori bëri një pyetje tjetër:
“Është përmendur emri i Laertit?”
Tafani e mohoi:
“Emri i Laertit nuk është përmendur, Enriko më ka thenë që jam nipi i Lilit, që është Lorenc Lala”.
Lajmi kryesor:
Tafani dëshmon në GJKKO: Pas vrasjes së Bashaliut, babai i Haxhiut na solli 30 mijë €! E kërkoi 'Lili', krahu i djathtë i Sajmir Taullahut! Meta mik i Aldo Bares
A.Q/ReportTv.al
