Ministrja për Evropën dhe Punët e Jashtme, Olta Xhaçka, ka zhvilluar një takim me Komisionerin për Fqinjësinë dhe Zgjerimin në KE, Oliver Varhelyi.
Gjatë takimit, Ministrja Xhaçka theksoi se mosmbajtja e Konferencës së parë Ndërqeveritare në qeshor do të ndikonte negativisht në besueshmërinë e BE-së dhe situatën në Ballkanin Perëndimor.
“Takim i frytshëm me Komisionerin për Fqinjësinë dhe Zgjerimin në KE , Oliver Varhelyi në margjinat e takimit të Këshillit të Punëve Jashtme me Ministrat e Jashtëm të Ballkanit Perëndimor. U dakordësuam që vendimi për konferencën e parë ndërqeveritare duhet të merret në qershor. Nënvizova bindjen e Shqipërisë se dështimi për të mbajtur konferencën e parë këtë qeshor do të ndikojë negativisht në besueshmërinë e BE-së dhe situatën në Ballkanin Perëndimor”, u shpreh ministrja Xhaçka pas takimit.
Ministrja Xhaçka ndodhet në Bruksel, ku mori pjesë në drekën e punës me Ministrat e Jashtëm të BE-së dhe Balkanit Perëndimor.
Gjatë qëndrimin në Bruksel, ministrja e Jashtme Olta Xhaçka ka zhvilluar sot një takim me homologun italian Luigi Di Maio. Xhaçka ka publikuar një foto në rrjetet sociale, ku shkruan se ndihet mirënjohëse ndaj vendit fqinj për integrimin e Shqipërisë në BE. Ministrja tha se janë të pritje të mbledhjes së parë të grupit të përbashkët të punës për njohjen reciproke të sigurimeve shoqërore.
‘Fillimi i ditës në Bruksel me Ministrin e Jashtëm të Italisë, Luigi Di Maio. Mundësi e mirë për agjendën tonë intensive dypalëshe dhe bashkëpunimin e shkëlqyer. Si gjithmonë e inkurajuar nga miqësia e Italisë dhe mbështetja e vendosur për integrimin e Shqipërisë në BE. Në pritje të mbledhjes së parë të grupit të përbashkët të punës për njohjen reciproke të sigurimeve shoqërore.’- shkruan Xhaçka.
Start of the day in Brussels with FM ???????? @luigidimaio .Good opportunity to catch up on our intensive bilateral agenda & excellent cooperation.Encouraged by ????????‘s friendship & staunch support for ????????‘s integration. Looking fwd to first working group mtg on social security agreement. pic.twitter.com/IOqehHCX3V
— Olta Xhaçka???????? (@xhacka_olta) May 16, 2022
Lajmi kryesor:
Ministrat e BE diskutojnë për Ballkanin Perëndimor! Gjermania e prerë: Të hapen negociatat me Shqipërinë dhe Maqedoninë e Veriut
//ReportTv.al
