Shqetësimet lidhur me përdorimin e thikave nga të miturit janë kthyer në një fenomen shqetësuese për shoqërinë. Tre raste të reja të përplasjeve me thikë kanë ndodhur në 24 orë në Shkodër, Dibër dhe Selenicë.
Policia e Shkodrës nisi hetimin ndaj një 15-vjeçari, i cili për motive të dobëta ka kanosur me thikë një 13-vjeçar. Mjeti prerës është sekuestruar si provë materiale.
Një konflikt mes dy të rinjve për motive të dobëta në lagjen “Kamen”, Peshkopi, përfundoi me plagosjen e një 18-vjeçari nga një bashkëmoshatar. Autori i dyshuar, Orgest Hidri, 18 vjeç, u arrestua në flagrancë.
Policia ka nisur hetimin për një 13-vjeçar, i cili ka kanosur me një mjet prerës një bashkëmoshatar të tij për motive të dobëta.
Komento
Komente
