SHBA - PSG 'shkatërroi' Atletico Madridin 4-0 në ndeshjen hapëse të Grupit B të Kupës së Botës për Klube, por vëmendja shpejt kaloi nga golat te nxehtësia. E luajtur në mesditë në Pasadena, Los Angeles; ndeshja nisi në kushte përvëluese, me temperatura që arrinin gati 40°C nën diell dhe 60% lagështi. Orari, i menduar për t'iu përshtatur audiencave evropiane dhe kohës më të ndjekur, i la lojtarët dukshëm të rraskapitur në fushë dhe shkaktoi kritika të ashpra nga të dyja ekipet.
Për t'iu përshtatur orareve të UEFA-s, FIFA caktoi ndeshje të rëndësishme si PSG kundër Atletico Madrid në orën 12:00 të drekës me orën standarde të Paqësorit (PST), duke përsëritur orarin e njohur të mbrëmjes së Ligës së Kampionëve në Evropë (21:00).
Por, meqenëse Kupa e Botës për Klube po zhvillohet në verën e nxehtë në SHBA, ky veprim ka ngjallur shqetësime. Trajneri dhe mesfushori i PSG-së, Vitinha, së bashku me Marcos Llorente të Atleticos, ngritën alarmin për kushtet e padurueshme të lojës, duke i quajtur ato një kërcënim të drejtpërdrejtë për cilësinë e ndeshjes dhe mirëqenien e lojtarëve.
"Ndeshja u ndikua qartë nga temperatura. Orari është i shkëlqyer për audiencën evropiane, por ekipet po vuajnë. Sa i përket lojës, është e pamundur të luash në një nivel shumë të lartë për 90 minuta", tha trajneri i PSG-së, Luis Enrique.
Deklarata e Marcos Llorentes ngriti shqetësime. "Është thjesht e pamundur, është tmerrësisht vapë, më dhimbnin gishtat e këmbëve, më dhimbnin thonjtë, nuk mund të frenoja ose të ecja shpejt. Është e pabesueshme, por meqenëse është e njëjtë për të gjithë dhe gjithçka është e njëjtë, atëherë nuk ia vlen të ankohesh", tha ai.
Komente
