"Vrasje e funksionarëve publike", e mbetur në tentativë, për episodin e goditjes së kryebashkiakut të Divjakës Fredi Kokoneshi si dhe “Vrasje me dashje”, e mbetur në tentavivë, për episodin e goditjes së shoferit të tij Gazmir Bullari si dhe “Prodhimi, mbajtja, blerja apo shitja pa leje e armëve të ftohta”janë akuzat e rënda që prokuroria e Lushnjës ka kërkuar për Orges Xhelilin, i cili plagosi me thikë Kryetarin e Bashkisë Divjakë dhe shoferin e tij.
“Hetimet janë në fazën fillestare të tyre dhe se Prokuroria pranë Gjykatës së Shkallës së Parë Lushnje po kryhen verifikime në drejtim të dinamikës së ndodhjes së ngjarjes, motiveve, administrimin dhe këqyrjen e provave materiale, marrjen e deklarimeve nga persona që kanë dijeni mbi ngjarjen dhe kryqëzimin e tyre me njëra-tjetrën dhe me provat në tërësi, me qëllim hetimin objektiv të ngjarjes”, njofton prokuroria.
Lajmi kryesor:
Sulmoi me thikë kryebashkiakun e Divjakës, lihet në burg Orges Xhelili! Avokati: Shkak hetimet e SPAK ndaj Kokoneshit! Babai: Se dinim se kishte probleme deri në këtë pikë
K.T./ReportTv.al