Një fermë kriptovalutash u zbulua në Tepelenë, ndërsa u arrestua një 67-vjeçar dhe në kërkim u shpall i biri 35 vjeç.
Ata kishin përshtatur banesën për prodhim në të cilën u gjetën dhe sekuestruan disa pajisje për kriptomonedha.
'Gjatë këtij operacioni, nga kontrolli i kryer në bazë të informacioneve të siguruara nga inteligjenca policore, në banesën e shtetasve H. O., 67 vjeç dhe A. O., 35 vjeç, babë e bir, u gjetën disa pajisje që shërbenin për prodhim të kundërligjshëm të kriptomonedhave.
Në vijim të veprimeve procedurale për rastin u arrestua në flagrancë 67-vjeçari, si dhe po punohet për kapjen e shtetasit A. O. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.'- njofton policia.
Komente
Prodhimi i kryptomonedhave nuk eshte krim? Per cfare jane akuzuar?
Përgjigju