Ndeshja Vora 3-1 Tirana

Sport

Tirana 'kapitullon' pa kushte, debutuesit e Vorës i mposhtin 3-1 dhe sigurojnë pikët e para në Superligë

31 Gusht, 18:55| Përditesimi: 31 Gusht, 18:59

  • Share

LAÇ - Skuadra e Vorës do e mbajë mend mirë datën 31 gusht 2025, pasi debutuesit e Superligës ia dolën të mposhtin në garën e elitës së futbollit shqiptar 3-1 Tiranën. Klubi më i titulluar në Shqipëri 'kapitulloi' pa kushte përballë një rivali që tregoi lojë të mirë dhe dëshirë për progres, për të siguruar tri pikët e para në Superligës.

Ndeshja në stadiumin e Laçit pa vorakët më kërkues dhe goli i parë u shënua nga Bernard Karrica në minutën e 36-të me penallti. Me të nisur fraksioni i dytë, sërish Karrica shënoi golin e dytë për Vorën. Më pas Henri Zuna 'arkivoi' tri pikët për Vorën në minutën e 70-të.

Goli i nderit për Tiranën erdhi vonë, me Paradinho Toreta që shkurtoi shifrat pesë minuta nga fundi i takimit. Pas dy javëve të para Vora siguron një humbje dhe një fitore, ndërsa pas barazimit 0-0 kundër Bylisit në Ballsh, Tirana pëson humbjen e parë sezonale.

Ndeshja e sotme u zhvillua në Laç pasi në stadiumin e Vorës po bëhen ende punime për tribunën qëndrore.

Superliga, raundi 2 - 30 gusht 2025:

Flamurtari 3-3 Bylis

Egnatia 1-1 AF Elbasani

Partizani 0-0 Teuta

31 gusht

17:00 Vora 3-1 Tirana

20:00 Dinamo - Vllaznia

Renditja:

S.Dh/ReportTv.al
Komento

Komente

  • Sondazhi i ditës:

    Çmendet trafiku, kush e ka përgjegjësinë?