Ministrja e Arsimit, Ogerta Manastirliu, drejtuese politike e qarkut të Tiranës për PS-në në zgjedhjet parlamentare të 11 majit, prezantoi skuadrën me 49 emra kandidatësh.
Mes tyre 12 në listën e mbyllur dhe 37 në listën e hapur. Lista e mbyllur, ashtu sikurse Shqiptarja.com dhe Report Tv informoi më herët, do kryesohet nga kryeministri Edi Rama dhe vijon me Manastirliun, Elisa Spiropalin, Lindita Nikollën, Adea Pirdenin, Taulant Ballën e të tjerët.
Spikat fakti se 8 nga kandidatët e listës së mbyllur janë gra. Por edhe emri i Endri Brahimllarit, ish-drejtuesi që la Partinë e Lirisë për t'iu bashkuar PS-së në listën e hapur tashmë. Kurse në listë të mbyllur edhe Erjon Malaj, djali i aktorit të njohur Petrit Malaj.
Bie në sy mungesa në listën e mbyllur të deputetit Erion Braçe, por edhe Fatmir Xhafaj dhe Pandeli Majko. Gjithashtu emri i ministrit të Brendshëm, Ervin Hoxha, por edhe Blendi Gonxhes. Ndër deputetë të vjetër dhe emra të njohur në listë të hapur janë edhe emrat e; Etilda Gjonajt, Olta Xhaçkës, Mimi Kodhelit, Xhemal Qefalisë, Plarent Ndrecës, Etjen Xhafajt, Ermonela Felajt, Blerina Gjylametit, Toni Gogut, Halit Valterit etj.
Lajmi kryesor:
‘Gjenerata e re’, 186 EMRAT e PS për 11 majin! Rama në listën e mbyllur në Tiranë! Spikat "Neomalsorja" e Bido! 'Senatorët' si Braçe, Xhafaj e Majko në listë të hapur! 5 opozitarë bëhen socialistë
A.Q/SI.E./ReportTv.al