Superliga shqiptare e futbollit do vijojë këtë fundjavë me raundin e tretë. Në program është edhe sfida mes Tiranës dhe Flamurtarit, e cila më në fund e ka një vend se ku do të luhet. Klubi bardheblu ia ka dalë të ketë të gatshëm impiantin 'Selman Stërmasi' në kryeqytet dhe të shtunën në orën 16:00 do rikthehet në shtëpi pas afro dy vitesh.
17 dhjetori i vitit 2023 ishte dita e fundit kur Tirana luante në shtëpi, duke u mposhtur 0-1 nga Vllaznia. Tanimë me rregullimin e fushës dhe sistemimin e rrethimit, KF Tirana pret Flamurtarin në 'Selman Stërmasi'. Në stolin e bardhebluve do debutojë në stol edhe trajneri i ri, Roberto Bordin.
Ndërkohë, klubi kryeqytetas ka bërë me dije edhe çmimet e biletave, që variojnë nga 300-1000 lekë.
Lajmi kryesor:
Bordin e nis 'në sulm' te Tirana: Lojtarëve u kam thënë se çfarë fanelle mbajnë veshur, kemi probleme me lojtarët
S.Dh/ReportTv.al
Komento
Komente
