Zbulohen detaje të reja lidhur me operacionin ndërkombëtar për të goditur një grup të trafikut të kokainës nga Amerika Latine drejt vendeve të BE-së dhe Italisë. Mësohet se janë 61 persona të arrestuar në Itali. Nga urdhërarrestet e firmosura janë 17 shtetas shqiptarë rezidentë në Itali.
Ndërkohë Gjykata e Posaçme ,me kërkesë të SPAK ka firmosur leje për 21 kontrolle banesash ku jetojnë të afërm të 17 shqiptarëve që janë rezidentë në Itali dhe për të cilët u është firmosur urdhërarresti. Këta shtetas rezulton se jetonin iknin dhe vinin në Shqipëri, informon gazetarja e Report Tv, Keti Banushi.
Gjatë kontrolleve janë arrestuar në Durrës Jurgen Kacurri dhe Arjanit Maloku, 2 nga 17 shqiptarët. Të tjerë dyshohen se janë në Itali, Poloni, tre rezultojnë në burg në Spanjë, pasi kanë qenë rezidentë në këto shtete. Operacini ka nisur në orën 04:00 të mëngjesit paralelisht në 4 shtete, Itali, Poloni, Shqipër, e Zvicër.
Ndërkohë gjatë operacionit janë vendosur në sekuestro preventive 60 mln euro asete.
Lajmi kryesor:
Trafik kokaine nga Amerika Latine në BE e Itali! Baza në Shqipëri, grupi italo-kinez i pastroi 375 mln €! 61 të arrestuar, mes tyre 43 shqiptarë, 2 u kapën në Durrës (VIDEO+ EMRAT)
S.G/ReportTv.al