Zbulohen detaje të reja lidhur me grupin kriminal që trafikonte kokainë nga Kolumbia përmes detit në Itali. Mediat italiane shkruajnë se Albert Turja dhe vëllai i tij ishin në krye të koordinimit të këtij trafiku droge
Ngarkesat e kokainës bliheshin në Kolumbi, duke mbërritur në Itali nga Ekuadori përmes detit, të fshehura mes arkave me banane ose fruta të tjera ekzotike.
Në portin e Livornos, një pikë kyçe e trafikut të drogës, kryesisht nga shqiptarë, por edhe rumunë dhe italianë ndërhyri policia. Ndërkohë Italianët sipas prokurorisë ishin përfaqësues të 'ndrina Molè', një bandë kalabreze nga fusha e Gioia Tauro e spcializuar në trafikun e drogës.
Në krye të gjithë koordinimit që do të bëhej për tërheqjen e drogës nga porti i Livornos ishte Albert Turja, një shqiptar 44-vjeçar, banues në Santa Croce sull'Arno, por edhe investime në Firence, një B&B 'bed and breakfast, (Fjete e mengjes) afër sheshit ‘Duomo’ që e zotëronte me bashkëshorten ne qender te Firences.
Albert Turja është një nga personat e arrestuar gjatë aksionit që shpërbëu organizatën, e zbuluar nga Policia Financiare e Pizës e koordinuar nga prokuroria antimafia e Firences. Në përfundim të hetimeve që nisën në vitin 2021, të mërkurën e 7 nëntorit, u kryen 30 masa paraprake midis Toskanës, Kalabrisë, Lazios, Pulias, Kampanisë dhe Lombardisë: 23 në burg, 6 në arrest shtëpie.
Hetimi i koordinuar nga zëvendësprokurori i Firences Luca Tescaroli - i cili së fundmi mori detyrën e kreut të Prokurorisë së Pratos zbuloi se për të menaxhuar trafikun e drogës që do të importohej në Itali vepronin eksponentë të 'Ndrangheta, Camorra dhe grupit shqiptar që kishte degë në Belgjikë, Shqipëri, Francë dhe Gjermani, si dhe në Kolumbi dhe Ekuador.
Bizneset e familjes Turja në Durres
Rezulton se familja Turja, prindërit dhe Rolandi janë pronarë të 'Power hotel' në Durrës, shoqëri që ofronte shërbime në fushën e hotelerise aktualisht me status të pezulluar si aktivit, në QKB. Zotërues të shoqërisë rezultojnë Myslim Turja - 60%, i ati) Roland Turja - 30%, djali, - vëllai i albertit- dhe Myhyrije Turja - 10%, e ema.
Gjithashtu Roland Turja rezulton dhe aksioner i kompanisë Auto Arlindi
Të dy vëllezërit janë nga Manza e Durresit.
Biznesi ne Firence, Pas sipermarresit fshihej trafikanti i droges
“Bed and Breakfast”, (sipërmarrje hotelerie, “Fjetje dhe Mëngjes”) është faqja e internetit ku promovohet një nga bizneset në “Via Martelli”, që u ngrit nga Albert Turja dhe gruaja e tij, “të cilët, të shtyrë nga dashuria e tyre për qytetin e Firences, vendosën të krijojnë një mjedis në të cilin, kushdo që vjen nga jashtë, mund të shijojë plotësisht atmosferën fiorentine", shkruan media ialiane.
Por sipas hetimeve të Guardia di Finanza, puna e vërtetë e Albertit, i cili përfundoi në burg së bashku me vëllain e tij Rolandin, 38 vjeç, nuk ishte ajo e një sipërmarrësi në sektorin e hotelerisë, por, në fakt, e një trafikanti droge.
Roli i Albert Turjes
Ai ishte organizatori i “degës” toskane të bandës, që me kriptofonin e tij (SKY ECC) mbante kontakte telefonike me agjentët në Ekuador, ata që financonin blerjen e drogës direkt në Kolumbi dhe mbi të gjitha ishte ai, që sipas asaj që doli nga hetimet e Prokurorisë Antimafia, për të menaxhuar momentin më delikat të importit të drogës, atë të “daljes” nga porti dhe që është dhe prova e suksesit apo dështimit të operacionit, duke qenë se në pak minuta trafikantët e drogës mund të shohin miliona euro të zhduken.
Nga përgjimet rezultoi se vëllezërit Turja kishin bashkëpunëtorë brenda portit të Livornos, të cilët mund të kontrollonin se ku ndodhej kontejneri për të cilin ishin të interesuar, por ende nuk janë identifikuar.
Dylbi për inspektim, GPS për kontroll, kallama peshkimi për kamuflim dhe makina të modifikuara
Teknika e përdorur ishte gjithmonë e njëjtë: inspektime, dylbi duke pritur për mbërritjen e anijes që mbante kontejnerin me drogën, ndonjëherë edhe duke përdorur një kallam peshkimi për t'u shtirur si një peshkatar në shkëmbin në grykëderdhje, për të mos tërhequr shumë vëmendje.
Pasi kontejneri të ishte identifikuar, ekipi ka për detyrë të vendosë GPS-in me një kartë në emër të një të nominuari për të ndjekur lëvizjet e tij dhe për të ndërhyrë kur kontejneri zbrazet nga ngarkesa dhe për këtë arsye vendoset në një zonë me vigjilencë të ulët qëllimisht.
Aty, gjatë natës, mund të çmontoni kontejnerin, të nxirrni drogën dhe të vendosni gjithçka në vend edhe një herë për të mos lejuar që dikush të vërejë konturet e dëmtuara të kontejnerit dhe të thërrasë policinë, siç ka ndodhur tashmë në disa raste.
Më pas për transferimin e drogës përdoreshin makina me dy funde (dhoma sekrete, ose të modifikuara), disa të ardhura direkt nga Shqipëria.
Ekipi ishte i pajisur nga grupi me të gjitha mjetet e punës: trapano, gërshërë, prerëse teli, levë, thasë për të mbajtur drogën dhe gjithashtu litarë dhe parzmore në rast se droga ishte vendosur shumë larg në kontejner.
Kur situata ishte shumë e ndërlikuar, prandaj grupi merrte edhe një ekip të specializuar nga Shqipëria, “profesionistë të lirë” të vërtetë, të cilët paguheshin me lëndë narkotike, përgjithësisht 30 për qind të vlerës së kokainës që kapnin (3 korrierët e fundit do paguheshin 40-50 mijë euro).
Ishte gjithmonë Albert Turja ai që kujdesej për logjistikën: gjeti vendin që linte të qëndronin deri natën dhe një ditë më parë i hipi në barkë për të kryer kontrolle, duke u treguar se ku të parkonte makinën për të penguar policinë që kalonte dhe nga cila pikë duhet të hyjë në port për të shmangur sistemet e vëzhgimit me video, shkruan Corriere.
Momenti kur GdF dhe Doganat nxjerrin 40 kg kokainë nga kontejneri, e grupit të vëllezërve Turja
Kur media italiane publikoi rezultatet e para të operacionit antidrogë të Giardia di Finanza dhe Doganave në Portin e Livornos, me sekuestrimin e 40 kg kokainë që vinte nga Ekuadori dhe arrestimin e 3 korrierëve shqiptarë (3 Nëntor) që u përdorën për të tërhequr mallin nga kontejneri me banane kundrejt pagesës 40-50 mijë euro, autoritetet ligjzbatuese theksuan edhe detajin se organizata i pastronte paratë e fitimeve të aktivitetin në biznese dhe blerje të ndryshme.
Sot u njoftua se krerët e rrjetit ishin vëllezërit shqiptarë nga Manza e Durrësit, Albert dhe Roland Turja. Bizneset e tyre ndodhen në Itali dhe Shqipëri konkretisht.
Rezulton se familja Turja, prindërit dhe Rolandit, janë pronarë të 'Power hotel' në Durrës, shoqëri që ofronte shërbime në fushën e hotelerisë aktualisht, me status të pezulluar si aktivitet, në QKB. Zotërues të shoqërisë rezultojnë Myslim Turja - 60%, i ati) Roland Turja - 30%, djali, - vëllai i Albertit- dhe Myhyrije Turja - 10%, e ëma.
Konkretisht administrator figuron babai, Myslimi, aktiviteti në fushën e hotelerisë dhe i kufizuar, kurse numri i NIPT-it përshkruan se ka 3 pjesë dhe me kapital fillestar 100 mijë lekë. Në përshkrimin e biznesit detajohet se në vitin 2019 shoqëria ka kaluar me aktivitet të pezulluar të përkohshëm, vendim i ortakëve.
Gjithashtu Roland Turja rezulton dhe aksioner i kompanisë së makinave “Auto Arlindi”. Ai ka 50% të biznesit dhe pjesën tjetër e ka Arlind Qerimi, që në numrin e NIPT figuron edhe si administratori i shoqërisë. Nuk dihet ende nëse makinat që përdoreshin për drogën dhe dërgoheshin nga Shqipëria në disa raste për transport, i përkisnin shoqërisë në fjalë. Aktiviteti i saj është në Shqipëri, me kapital fillestar 2,3 mln lekë dhe aktivitet të kufizuar.
Por në përshkrimin e aktivitetit jepen detaje të zgjeruara:
“Tregtim me shumicë, pakicë të të gjitha mjeteve të përdorura dhe të papërdorura, import-eksport i tyre, brenda dhe jashtë Shqipërisë, të të gjitha automjeteve për transport udhëtarësh, personave e mallrave, mbajtja dhe ruajtja e mjeteve, dhënie me qira e automjeteve. Shërbim servisi, lubrifikantë, lavazh, shërbime kënd lojërash, bar-lokal, pastrim kimik, hoteleri, bar-restorant,agjenci turistike, shërbime kompjuterike dhe industriale...”.
Të dy vëllezërit janë nga Manza e Durrësit, por kanë aktivitete edhe në Firence, pas të cilit duket se fshihnin aktivitetin e drogës. Biznesi i tretë është “Bed and Breakfast”, (sipërmarrje hotelerie, “Fjetje dhe Mëngjes”), edhe me faqe interneti ku promovohet një nga bizneset në “Via Martelli”, që u ngrit nga Albert Turja dhe gruaja e tij, “të cilët, të shtyrë nga dashuria e tyre për qytetin e Firences, vendosën të krijojnë një mjedis në të cilin, kushdo që vjen nga jashtë, mund të shijojë plotësisht atmosferën fiorentine", shkruan media italiane. Por duket se pas këtij biznesi fshihej ai i vërtetim, i narkotrafikut.
