Kosova & Rajoni

Tragjedia në Bullgari, dëshmitari okular që shkoi i pari në vendngjarje: Çdo gjë ndodhi shumë shpejt! Në rrugë kishte copa gomash, nuk ndjeva erë nafte

24 Nëntor, 12:27| Përditesimi: 24 Nëntor, 12:29

Iliya Nikollov po punonte 50 metra larg vendit ku ndodhi aksidenti fatal në Bullgari që i mori jetën 45 shqiptarëve nga Maqedonia e Veriut dhe la të plagosur 7 të tjerë. Ai ka treguar se bashkë me kolegun e tij kishin dëgjuar një shpërthim të fortë dhe më pas kishin parë flakë që u intensifikuan brenda shumë pak minutave. Ai tregon se gjithçka ndodhi shumë shpejt dhe se pavarësisht se shkuan të ndihmonin, ishte e pamundur për shkak se zjarri kishte marrë përmasa të mëdha. Ai tregon se rrugë kishin parë copa gome duke u djegur, por se nuk kishin ndjerë aromë nafte.

"Dëgjova një shpërthim, por nuk po e kuptoja se çfarë ishte. Po shihnim flakët që intensifikoheshin, u afruam dhe donim të ndihmonim, por ishte e pamundur. Pashë disa persona që dilnin nga dritaret, kanë shpëtuar për punë sekondash. Në rrugë kishte copa gomash të shpërndara duke u djegur. Nuk kishte erë nafte", ka treguar ai.

J.SH./ReportTv.al
  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni: