Pasi KLSH ka zbuluar shumë shkelje, që nga mungesa e frigoriferëve të morgut, deri tek ilacet e skaduara në farmaci dhe në pavione të spitalit të Traumës i rekomandon Ministrisë së Shëndetësisë, shkarkimin e drejtoreshës së Spitalit të Traumës Edlira Bode dhe dy zëvendës drejtorët e tjerë.
Sipas KLSH, drejtuesit nuk kanë siguruar kontrollin e brendshëm për të gjitha proçeset ekonomiko financiare kryesisht për shërbimet e prokuruara dhe blerjet e barnave, materialeve te mjekimit dhe kryesisht të materialeve ortopedike. Nga auditi doli se në magazinën e farmacisë u gjetën barna të skaduara në vlerën 9,2 milionë lekë.
“Në magazinën e farmacisë se SUT dhe ne pavijone deri në fund te periudhës se auditimit, gjendet një sasinë me medikamente te skaduara ne vlerën totale 9,275,420 lekë, e cila përbën një shpenzim jo eficent për SUT duke sjellë një efekt financiar negativ për buxhetin e shtetit”, shkruhet në raportin e KLSH-së.
Në raport thuhet se gjithashtu në farmaci, gjenden sasi të madha ilacesh që nuk kishin vulën e kuqe me mbishkrimin “Për përdorim spitalor ndalohet shitja”, përcaktim ky me ligj. Boja që përdorët për stampimin e vulës të jetë me ngjyrë të kuqe që nuk fshihet.
Një tjetër shkelje, në zyrën e kryeinfermierit. Materiale ortopedike të llojit Proteza dhe Sinteza, në vlerën ekonomike 35,228,087 lekë, që prokurohen me marrëveshje përgjatë një viti, dhe që duhej te ishin ne farmacinë e SUT u gjetën në zyrën e kryeinfermierit. Ndër të tjera, ashtu siç Report Tv raportoi një ditë më parë, KLSH konstatoi se në Spitalin e Traumës nuk ka frigorifer-morgu, për të bërë administrimin e trupave të pacientëve që ndërrojnë jetë në spital.
Më tej në raportin e KLSH, thuhet se magazina e mallrave të spitalit nuk plotëson asnjë kusht për ruajtjen e barnave.
“Barnat nuk duhet të jenë në kontakt të drejtpërdrejtë me dyshemenë dhe muret e të kenë hapësirë të përshtatshme për të lejuar pastrimin dhe inspektimin’, vlerëson KLSH..
(Kliko këtu për të lexuar dokumentin e plotë)
Komente
Ktu e ka ber inagurimin rama me koh prandaj esht kjo situate
PërgjigjuKLSH edhte kthyer ne nje institucon inventarizues, numeron pajisje dhe frigotiferet e morgut krevat luget dhe pirunet neper spittale, ka ndryshuar skeme dhe forme duke marre ciliminj ne pune dhe ne antiteze me kohen e te nadhit Leskaj
PërgjigjuTi kush je, burri drejtoreshes?
A ekziston njeri ne shqiperi qe nuk vjedh?dhe kete e mendoj serjozisht!
PërgjigjuJo!E kemi në gen!