Mes baltës dhe plehrave, në këtë vend tregtohen prej vitesh produkte ushqimore.
Me afrimin e festave është rritur numri i tregtarëve që vijnë nga Fieri e Vlora, por edhe blerësit. Pamjet tregojnë qartë mungesën e maskave e distancimit social.
Vendasit e njohin me emrin tregu i "Urës së Mifolit" që shtrihet nga qendra e Novoselës e deri pranë Urës.
Përpos produkteve industriale në këtë treg dalin edhe fshatarët e zonës për të shitur shpendë dhe bagëti.
"Ne në këto kushte kemi punuar prej 15 vitesh" - tha një tregtar.
"Kemi 20 vjet që punojmë kështu. Të kishte disa kushte më të mira, këtu është baltë" - tha një tjetër tregtar.
"Kushtet janë pak të vështira por nuk kemi se çfarë të bëjmë, do ushqehemi. Kemi shpresa mos na e rregullojnë" - u shpreh një zonjë.
Ka mbi 20 vite që ky treg i palicencuar funksionon jashtë çdo parametri higjieno-sanitar, duke shtuar rrezikun për konsumatorët.
Komente
