VLORË- Ish shefi i Komisariatit të Himarës, Arjan Tase është shpallur i pafajshëm nga Gjykata e Vlorës. Tase akuzohej për shpërdorim detyre pasi dyshohej se kishte lejuar kultivimin e drogës në dy fshatra të Vlorës në kohën kur mbante postin shefit të Komisariatit të Himarës.
Sipas Gjykatës, Tase u shpall i pafajshëm pasi nuk ekzistonin prova të mjaftueshme që lidhnin atë direkt apo indirekt me trafikun apo kultivimin e lëndëve narkotike. Arjan Tase, kishte kërkuar më herët gjykim te shqyrtuar dhe gjykimi ndaj tij ka përfunduar veçmas 40 të dyshuarve të tjerë te ndaluar. Ai aktualisht mban detyrën e shefit të Specialistëve të Policisë së Zonës së Elbasanit, pasi Gjykata e Apelit në Vlorë vendosi rikthimin e tij në detyrë pak muaj më parë.
Në dhjetor të 2020 në kuadër të operacionit antidrogë u arrestuan disa efektivë policie, kultivues dhe trafikantë droge të cilët ishin implikuar në kultivimin e 6790 rrënjë kanabis në Vlorë.
