Gjykata e Vlorës ka lënë në arrest shtëpie Edison Begajn, i cili u arrestua 4 ditë më parë pasi u kap me ramë zjarri pa leje e fishekë, pas një aksioni të RENEA-s në Vlorë. Seanca për caktimin e masës së sigurisë u mbajt në spital, ku Begaj u shtrua për shkak jo të gjendjes jo të mirë shëndetësore për shkak të plagëve të marra pas atentatit që iu bë pak javë më parë.
41-vjeçari Begaj u arrestua ndërsa ishte në lokali e tij, pasi iu gjet një armë zjarri dhe 5 fishekë. Ndërkohë, sipas pretendimeve të kushëririt të tij, Begaj kishte dalë nga spitali vetëm për të takuar fëmijët dhe më pas kishte ndaluar edhe te lokali i tij, ndërsa armën e mbante për vetëmbrojtje, pas atentatit.
Kujtojmë se Begaj u plagos me 4 plumba në një atentat në hyrje të banesës së tij, në fshatin Kaninë. Ngjarja nuk është zbardhur ende ndërsa pistat e hetimit janë ajo e prishjes së pazareve të drogës ose një konflikt i kohëve të fundit që mund të ketë pasur Begaj.
