Gjykata e Vlorës ka lënë në burg Anesti Rrapaj, 40-vjeçarin i cili u arrestua pak ditë më parë në 'shtëpinë e barit' që u zbulua në Vlorë. Gjykata e Vlorë ka caktuar masën e sigurisë 'arrest me burg'. Ndërkohë për tre punonjësit e OSHEE, të arrestuar nga policia është vendosur masa e sigurisë 'detyrim paraqitje'.Seanca është drejtuar nga gjyqtarja Elona Mihali.
Brenda shtëpisë së Barit policia sekuestroi 330 bimë kanabisi dhe pajisje që shërbenin për rritjen e drogës. Report Tv siguroi edhe pamje nga brenda shtëpisë së barit, ku duken llambat, sistemi i ndriçimit, ventilatorët dhe plehu që shërbente për vendosjen në kubikë të kanabisit.
Vjedhja e energjisë elektrike çoi në zbulimin e 'shtëpisë së barit' në lagjen 'Kushtrimi' në Vlorë. Policia gjeti të mbjella në vazo plastike 330 bimë si dhe u sekuestruan 88 llamba, 18 freskuese dhe 5 aspiratorë që shërbenin për kultivimin e kanabisit, teksa energjia elektrike sigurohej nëpërmjet një lidhje të paligjshme.
Komente
