VLORË- Dy persona janë arrestuar gjatë kontrolleve të befasishme të kryera nga policia, pasi u janë gjetur edhe sekuestruar armë zjarri pistoletë.
Burime për Report Tv bëjnë me dije se është vënë në pranga Jetmir Aliaj dhe Sandri Sulaj, poseduesit e armëve të zjarrit.
Sipas bluve të Vlorës, si rezultat i kontrolleve në fshatin Peshkëpi, Vlorë, u arrestua në flagrancë shtetasi Sandri Sulaj, 34 vjeç, banues në fshatin Armen, Vlorë. 34-vjeçari ishte person me precedent të mëparshëm penal në fushën e vjedhjes.
Arrestimi i ktij shtetasi u bë pasi gjatë kontrollit fizik, shërbimet e Policisë i kanë gjetur një armë zjarri pistoletë, e cila u sekuestrua në cilësinë e provës materiale.
Ndërkohë që gjatë mesditës së djeshme si rezultat i këtyre kontrolleve u bë arrestimi në flagrancë i shtetasit Jetmir Aliaj, 26 vjeç, banues në Vlorë, i cili pasi pa shërbimet e policisë hodhi armën e zjarrit dhe tentoi të largohej me vrap por u kap dhe u prangos gjatë ndjekjes nga Policia.
Materialet në ngarkim të tyre, i kaluan Prokurorisë së Rrethit Gjyqësor Vlorë, për veprën penale "Armëmbajtja pa leje".
Armët e sekuestruara
