Rrëzimi i një skele (22 janar) nga një pallat në ndërtim i firmës ‘Arlis’ plagosi dy kalimtarë ditën e djeshme në bulevardin ‘Gjergj Fishta’ në Tiranë.
Mes dy të plagosurve, është edhe bashkëshortja e ish-futbollistit të njohur, Bledi Shkëmbit, Imelda. Në një prononcim për Report Tv, Shkëmbi, ish-futbollist i ‘Skëderbeut’ tha se do të ndjekë çdo veprim ligjor ndaj firmës së ndërtimit, për plagosjen e bashkëshortes.
Shkëmbi, pohoi se bashkëshortja ka pësuar fraktura në fytyrë. Ish-futbollisti, aktualisht trajner i Shqipërisë 'U19', tha se gruaja, po kalonte si çdo ditë poshtë godinës 9-katëeshë, nga shtëpia për tek biznesi i tyre që kanë aty pranë.
Lidhur me këtë ngjarje policia ka arrestuar inxhinierin Zef Kalaj, sipërmarrësin Elton Osmanllari dhe 1 punëtorë të pallatit, Erjon Kanto, në ndërtim në Tiranë.
