Kryeministri Edi Rama ka reaguar për rastin e policit, Redin Çaushaj i cili mbeti i plagosur pasi ndërhyri për të shuar një sherr në Vlorë, ndonëse ishte jashtë shërbimit. Rama ka ndarë një foto ku duken duart e policit, i cili është i shtrirë në spital dhe po mbahet në monitorim nga mjekët, ndërsa krahas saj shkruan respekte për efektivin që ndërhyri për sherrin e rrezikshëm.
“Respekt për Redin Çaushajn, të riun e Policisë së Shtetit që u plagos duke ndërhyrë dhe shmangur më të keqen mes dy individëve në një sherr të rrezikshëm”, shkruan Rama.
Një ditë më parë, efektivi u vizitua nga ministri i Brendshëm Taulant Balla, i cili kërkoi dënim të ashpër për autorin që goditi policin më 15 gusht 2023. Efektivi, me detyrë inspektor i Policisë së zonës Lukovë, jashtë orarit të shërbimit, ishte duke kaluar në rrugë dhe kur ka parë personat që po konfliktoheshin ka ndërhyrë menjëherë për të parandaluar përshkallëzimin e konfliktit, por është goditur me thikë në qafë. Autori Thodhori Mërkuri u arrestua pas disa orësh ndjekje nga policia.
Komente
Redi duhet te shpallet hero, jane te paket ato qe bejne te tilla veprime
PërgjigjuNje tragjedi qe uroj shume te mos ndodhi me
PërgjigjuMirenjohje per kete djale i cili eshte perkushtuar me gjithe shpirt ne punen e tij, Rrespekte te shumta dhe sherim te shpejte
PërgjigjuPrej tejedhe ca e si puna jote ka polic nen dhe o i pa bese
Përgjigju