Forcat e Mbrojtjes së Izraelit (IDF) kanë njoftuar se kanë filluar përgatitjet për një tërheqje të pjesshme të trupave nga Rripi i Gazës, në kuadër të marrëveshjes për armëpushim me Hamasin. Lajmin e raporton Times of Israel. Në një deklaratë, ushtria thotë se “sipas udhëzimeve nga niveli politik dhe në përputhje me një vlerësim të situatës, IDF ka nisur përgatitjet operacionale për zbatimin e marrëveshjes.” Si pjesë e këtyre përgatitjeve, ushtria shprehet se është gati të zhvendosë trupat në “vija të reja vendosjeje në të ardhmen e afërt”. “IDF vazhdon të jetë e pranishme në zonë dhe po përgatitet për çdo zhvillim operacional,” shton ushtria. Në një komunikatë të mëparshme, IDF paralajmëroi se veriu i Rripit të Gazës mbetet aktualisht një zonë lufte. “Sipas planit të përgatitjes për zbatimin e marrëveshjes, vijat e vendosjes (brenda Rripit të Gazës) do të ndryshojnë me shpejtësi,” thuhet në një tjetër deklaratë ushtarake. Sot pritet të mbahet një mbledhje e kabinetit të qeverisë izraelite, për të shqyrtuar dhe miratuar marrëveshjen.
Lajmi kryesor:
Gaza/ Izraeli dhe Hamasi 'ok' për fazën e parë të planit të paqes! Trump: Pengjet do dorëzohen së shpejti, IDF nis përgatitjet për tërheqje të pjesshme nga territori
A.I/ReportTv.al