Ish-kryebashkiaku i Durrësit Vangjush Dako është arrestuar nga Policia e Durrësit në zbatim të vendimit të Apelit të GJKKO, që e riktheu në burg me vendimin e ditës së sotme.
Sipas burimeve të Report Tv, Dako përfundoi në spital pasi u mësua vendimi që ai duhet të rikthehet në qeli, pasi i kanë mbetur për të vuajtur edhe 10 ditë dënim.
Sipas të dhënave, Dako ka pësuar aritmi dhe mori ndihmë në spital. Aty shkoi edhe Policia e Durrësit, duke bërë të mundur ekzekutimin e vendimit të Apelit të GJKKO.
Vangjush Dako pritet t'i dorëzohet Drejtorisë së Burgjeve ditën e nesërme për ta rikthyer në qeli.
Lajmi kryesor:
Apeli i GJKKO rikthen në burg Dakon, ish-kryebashkiaku i Durrësit duhet të vuajë edhe 10 ditë dënim! Policia e gjen në spital
V.GJ /ReportTv.al
