TIRANE-Report Tv zbardh krimin e ndodhur dy net më parë në Zall Bastar (lexo këtu), ku 34-vjeçari Arben Gjeci u godit në kokë me hekur dhe më pas ndërroi jetë në Spitalin e Traumës. Lidhja me një 20-vjeçare të martuar i kushtoi jetën Arben Gjecit. 34-vjeçari prej disa kohësh kishte një lidhje me një vajzë të martuar dhe çdo gjë u zbulua nga burri dhe vëllai i 20-vjeçares. Mbrëmjen e së enjtes Arben Gjeci është takuar me 20-vjeçaren pranë banesës së familjes Cani në Zall Bastar.
Por vëllai i saj E.Cani dhe burri e kanë ruajtur dhe i kanë gjetur të dy në një kasolle pranë shtëpisë. Ata i ruajtën pasi më herët burri i 20-vjeçares i ishte ankuar kunatit se motra e tij e tradhtonte. Lidhja jashtëmartesore nuk është pranuar nga vëllai i 20-vjeçares, i cili ka marrë një hekur dhe ka qëlluar disa herë në kokë Arben Gjecin.
Pasi e ka qëlluar disa herë në kokë duke e lënë pa ndenja autori e ka marrë dhe ka nxjerrë në rrugë Gjecin. Ngjarja është raportuar si aksidentale, sikur Arben Gjeci ishte rrëzuar nga një lartësi, por 4 plagët në kokë dhe disa dëshmi në fshatin Zall Bastar zbuluan krimin.
Policia bën me dije se ka arrestuar autorin, 31-vjeçarin E.Cani. Bashkë me autorin e arrestuar është edhe 20-vjeçarja E.Cani që është shkaktarja e kësaj përplasje, që sipas uniformave ka penguar për të zbardhur ngjarjen. Gjithashtu u arrestua edhe burri i saj pasi përveçse ka fshehur ngjarjen në banesë i është gjetur edhe një sasi kanabisi.
Autori i kësaj ngjarje ka refuzuar të pranojë krimin, duke thënë se nuk e ka vrarë ai Arben Gjecin. Burime nga Policia e Tiranës thanë se kanë dëshmi dhe prova që ka qenë E.Cani personi që vrau Arben Gjecin. Pranë banesës së familjes Cani është gjetur edhe një bluzë e Arben Gjecit.
Komente
Bravo o taleban. Kalbu ne burg tani.
PërgjigjuZgjidhja e ceshtjes me vrasje shume e gabuar.
PërgjigjuShumë e keqe dhe e dhimbshme tradhëtia por po aq e dhimbshme të kalburit në burg. Tani që të tre do të kalben brënda!
PërgjigjuShumë e keqe dhe e dhimbshme tradhëtia por po aq e dhimbshme të kalburit në burg. Tani që të tre do të kalben brënda!
PërgjigjuSa mire ja ka bere, cju desh ketij me gjene e tjetrit.
PërgjigjuPo te vrisje motren tende o pleher se nuk e ka Detyru njeri mezor te shkonte te kasollja. Ajo asht fajtore ca faji ka djali shkret kur ajo shkon me deshir
Përgjigju"Tani" me lart jep pergjigje tipike talebane. Myte motren ne djep, plumbin ne paje etj etj. Tragjikomedi mesjetare shqiptare.