VLORË- Gjykata e Vlorës ka shtyrë sërish seancën, e cila duhej të mbahej sot për 8 punonjësit e policisë së Himarës, pas tragjedisë në Potam ku efektivi i policisë Arjan Tase përplasi për vdekje me skaf 7-vjeçaren Jonada Avdia. Shkak për shtyrjen e seancës u bë mungesa e avokatëve të të pandehurve, ndërsa data për zhvillimin e seancës së radhës u caktua 17 janari 2024.
I pranishëm ishte edhe gjyshi i së miturës, Ismet Avdia, i cili në një deklaratë për mediat, tha se ka besim tek drejtësia, por ai shtoi se i druhen një skenari të Gjykatës. Sipas tij, shtyrja e seancave po bëhet qëllimisht që të akuzuarve t’u jepet dënim minimal.
“Kjo është seanca e tetë, e një gjyqi paraprak që zgjat pothuajse 6 muaj, në një kohë që për 8 muaj prokurorja e nderuar ka arritur të mbyllë dosjen. Ajo u shty sërish sot. Ne jemi shumë të shqetësuar, dua të deklaroj përmes ekraneve tuaja.
Ky është një skenar, unë këtë skenar e kam dyshuar, por ai u bë realitet. Ky skenar që krijoi një lodhje për të bind publikun dhe udhëzuesit e lartë të gjykatës se kjo çështje duhet të gjykohet bashkërisht ashtu siç është hetuar. Ata e ndanë dhe kjo ndarje krijon hapësira për gjykim të shkurtuar dhe në fund skenari do jetë një dënim simbolik pas dy vitesh. Ne i besojmë ende drejtësisë, por u bëjmë thirrje organeve të larta të drejtësisë që ta shohin. Tragjedia e Himarës është një pjesë dhimbshme jo vetëm e familjes sonë, por e gjithë popullit shqiptar. Ky është një skenar për ta zbutur dënimin ndaj atyre që e vranë Jonadën”, tha Ismet Avdia.
Kujtojmë që më 1 dhjetor, Gjykata e Vlorës ndau dosjen e ngjarjes së gushtit të vitit 2022 në Himarë. Ish-punonjës i policisë, do të gjykohet më vete, pa 8 punonjësit e tjerë të policisë së Himarës, nën akuzë për shpërdorim detyre.
7-vjeçarja Jonada Avdia humbi jetën në gusht të 2022, tragjikisht në plazhin Potam të Himarës teksa po lahej në det, pasi u godit nga një gomone, e cila në kundërshti me rregulluat, po lundronte brenda kordonit të sigurisë.
Komente
Mos te harrojnë që nqs nuk vendosin drejtësinë në vend për atë engjëll të vogël që ju keput jeta ende pa e filluar akoma ,do marrin denim atje ku dhe atyre tu dhembi me shume.
PërgjigjuGjykata e Vlores eshte nje oxymoron. Nuk mund te ekzistojne ne te njejten fjali. Njerez shpellare dhe egersira qe bejne si te forte por qe do zhdukin veten brenda 2-3 brezave keshtu sic e kane krijuar. Qytet plerash, hotelesh, bordellosh, ska asnje pik identiteti kulturor me, asgje.
Përgjigju