Tonelata me vaj ulliri kanë mbetur në magazinat e fermerëve dhe në fabrikat e zonës së Kurjanit në Roskovec për shkak të mungesës së tregut. Fermerët thonë se si asnjëherë më parë vaji u ka mbetur stok. Superprodhimi na la vajin pa shitur thonë ata teksa pohojnë se me cmimin e ofruar nga tregtarët, 400 lek për litër, nuk mbulojnë dot as shpenzimet. Në këtë zonë operojnë 5 fabrika të përpunimit të ullirit të cilat qendrojnë në pritje të ndonjë ofertë nga kompani të huaja.
Banorët e Kurjanit në Roskovec e kanë të bazuar ekonominë familjare te kultivimi i ullirit, por mungesa e tregut dhe luhatjet e cmimit i kanë vënë në vështirësi të mędha jo vetëm për sigurimin e të ardhurave për familjet e tyre, por edhe për shërbimet që duhet të kryejnë në kulturën e ullirit.
“Vetëm në këtë fabrikë janë 20 ton vaj pa shitur. Llogarit që janë 5 fabrika në gjithë zonën. Po kështu kanë sasi vaji dhe fermerët nëpër banesat e tyre. Vjet e kanë marrë kompanitë italiane por sivjet nuk kanë ardhur. Eshtë bllokuar tregtia me jashtë por nuk e dimë arsyen”, tha një pronar fabrike.
“Na ka mbetur ulliri pa bërë shërbimet, ne jemi bllokuar s’kemi para për punët e bujqësisë”, tha një fermer.
“Unë kam 16 kuintal vaj pa shitur. Jam mbytur në borxhe”, tha një tjeter fermer, duke shtuar se “shteti duhet të na ndihmojë për grumbullimin e vajit”.
Sakaq, në Panaja të Vlorës fermerët merren me prodhimin e verës dhe rakisë. Ndër vite, ky fshat ka qenë i njohur për cilësinë e lartë të produkteve, por mungesa e tregut dhe çmimet e ulëta kanë bërë që banorët të heqin dorë nga vreshtat. Sipas tyre çmimi i rakise dhe veres eshte shume i ulet dhe nuk ka treg.
“Rreth 70 për qind e fshatit nuk e shet dot rakinë. Sot është me 400 lek për litër por s'ka treg. Unë kam 3 ton vere e raki, nuk shitet se nuk ka njerëz, s’ka kush e blen”, thanë fermerët.
Kur prodhimi mbetet stok dhe nuk siguron të ardhura të qëndrueshme, një nga mundësitë për t’i ndihmuar do të ishte krijimi i një tregu për produktet e tyre, qoftë përmes mbështetjes shtetërore apo ndërmjetësit me eksportuesit.
Komente
A do rqki të sakt me 500 lek hajde në munushtir skrapar
PërgjigjuShoket fshatar me sheqer e pine dhe vete rakine jo me per ta shitur Nuk ka ne fshat raki pa sheqer dhe vaj ulliri pa perzier. Prandaj stoqe u ngelet nga cilesis jo nga cmimi
PërgjigjuFiks
Epo fshataret tane duan ta cojne njehere vajin te Katoi! Qe t'ju kihet, dmth te bejne pak hile. Se duan qe me 50 rrenje ullinje te hane gjithe vitin!
PërgjigjuNormal që do bllokohej exporti se ato filmime me vaj industrie për vaj ulliri që u kapën i dini për budallenj Italianët ju mashtrimin ato e kanë në gjak.
Përgjigju