Sarandë- Një automjet tip "Ford" shpërtheu në flakë mëngjesin e sotëm (24 Shtator) në qytetin e Sarandës.
Paraprakisht nuk raportohet për të lënduar dhe viktima, por vetëm dëme materiale. Mjeti është një minifurgon që transportonte peshk, me pronar Kristaq Gega dhe me targë AB694BJ.
Siç shihet edhe nga pamjet në video, minifurgoni me ngjyrë të bardhë, është përfshirë nga flakët në pjesën e përparme rreth orës 09:15, duke u djegur pranë qendrës së qytetit bregdetar, kurse zjarrfikësit u përpoqën të shuanin flakët.
Nga zjarri i shkaktuar në mjetin "Ford", mësohet se ka pësuar dëmtime edhe mjeti tip "Benz", me targë AA681AJ dhe me pronar Filip K., i cili ishte i parkuar në krah të tij.
Policia vendore njoftoi se ka nisur hetimet, kurse paraprakisht mendohet që vatra e zjarrit të jetë shkaktuar nga shkëndijë elektrike në automjet. Në pyetje do merret edhe pronari i mjetit.
