Teuta humbi 1-4 me Partizanin për javën e nëntë në Superligën shqiptare të futbollit. Dopieta e Hotit, goli i Da Silva dhe Skuka bënë që Demat të dilnin me tri pikë nga transferta. Për vendasit e Shkëmbit shënoi Gruda. Në këtë duel ndodhi gjithçka. Pas golit të parë të Hotit në minutën e dytë, në stadium ikën dritat. Kullat e ndriçimit u fikën dhe për afro gjashtë minuta lojtarët bënë nxehmje muskujsh. Sfida rinisi dhe sërish në minutën e 30 pati një ndodhi jo të këndshme.
Një nga tifozët e Partizanit u ndje keq në stadium, me mjekët e kuq që kapërcyen gardhin rrethues të fushës dhe i dhanë ndihmën e parë. Tifozi i kuq ishte afërsisht 40 vjeç dhe pas ndihmës u transportua për në spitalin e Durrësit, duke qenë jashtë rrezikut për jetën. Mjekët e Partizanit, Ergys Rexha, Keido Koshi dhe Dhimosten Gjini u treguan heronj duke vepruar në kohë.
Teuta dhe Partizani luajtën pjesën e parë (1-3) për javën e nëntë në Superligë. Ndeshja e "Niko Dovana" nisi në 17:45, teksa në minutën e 30 të ndeshjes në stadium pati ankth. Një nga tifozët e Partizanit u ndje keq, me ultrasit që kërkuan ndihmë mjekësore. Menjëherë stafi i Demave kaloi gardhin rrethues dhe i erdhi në ndihmë tifozit, me sfidën që u ndërpre për pak çaste. Menjëherë tifozi u vendos nën kujdesin e mjekëve dhe u transportua në spitalin e Durrësit. Mësohet se tifozi pati probleme me zemrën dhe se është jashtë rrezikut për jetën. Mjekët e Partizanit, Ergys Rexha, Keido Koshi dhe Dhimosten Gjini u treguan heronj duke i dhënë ndihmën e parë.
