SPANJË - Real Madrid e ka lënë pas humbjen 2-0 kundër Liverpool në Champions League dhe këtë të diel është kthyer te tri pikët. Për raundin e 15-të të La Ligas, "Galaktikët" fituan 2-0 kundër Getafes në derbin e vogël të Madridit.
Në minnutën e 30-të nga penalltia u paraqit Bellingham, me anglezin që nuk gaboi dhe kaloi të tijtë në epërsi. Tetë minuta më vonë Bellingham asistoi për Mbappe, që realizoi një gol të bukur, i dhjeti këtë sezon me fanellën e madrilenëve.
Ky sukses, i treti radhazi në kampionat dërgon Real Madridin në kuotën e 33 pikëve në vendin e dytë, një më pak se Barcelona. Real Madrid ka një ndeshje më pak dhe ka shansin të kalojë në krye të La Ligas.
Komento
