Tre persona janë plagosur si pasojë e përplasjes së dy automjeteve në rrugën Transballkanike në Vlorë. Si pasojë e aksidentit të ndodhur në vendin e quajtur “rrethrrotullimi i Omonies” në rrugën transballkanike, janë plagosur dy drejtuesit e automjeteve dhe një prej pasagjerëve. Të tre janë dërguar në spitalin rajonal të Vlorës ku po marrin trajtimin mjekësor.
“Rreth orës 19:30, në rrugën “Gjergj Kastrioti”, në vendin e quajtur rrethrrotullimi i Omonies, një automjet tip “Benz” me drejtues shtetasin V. B., është përplasur me një automjet tip “Audi” me drejtues shtetasin E. R. Si pasojë e përplasjes kanë mbetur të dëmtuar dy drejtuesit si dhe një pasagjer në automjetin “Audi”, shtetasi A. C., të cilët ndodhet në spitalin e Vlorës, nën kujdesin e mjekëve”-thuhet në njoftimin e policisë.
Ndërkohë në vendngjarje mbërritën forcat e policisë që po punojnë për zbardhjen e rrethanave të aksidentit.
