TIRANË- Inspektime të rastësishme do të kryhen në shkolla të ndryshme të vendit. Paralajmërimi erdhi nga Ministrja e Arsimit, Besa Shahini, në kuadër të fillimit të vitit të ri shkollor.
Ministrja nëpërmjet një video-mesazhi në rrjetet sociale u shpreh se që nga data 9 shtator do të nisin inspektimet për përgatitjet e vitit të ri shkollor.
"Këto inspektime të cilat do të prekin rreth 240 shkolla të vendit, do të fillojnë më datë 9 shtator në mënyrë të sigurohet që të gjithë mësuesit dhe infrastruktura në shkolla janë aty ku duhet për të nisur me këmbë të mbarë vitin e ri shkollor", tha Shahini.
Viti i ri shkollor do të nisë me 16 shtator, ku ndërkohë ka nisur dhe shpërndarja e librave falas për nxënësit nga kasa e parë deri në klasë të pestë.
