Presidenti rus Vladimir Putin ka mbërritur këtë të enjte në Beograd, Serbi. Ai ka zbritur fillimisht në aeroportin "Nikolla Tesla", ku ka takuar ambasadorin rus në Beograd, Aleksandër Chepurin dhe më pas presidentin e Serbisë, Aleksandër Vuçiç.
Sikurse kanë njoftuar mediat serbe, Putin dhe Vuçiç do të diskutojnë shumë çështje. Një ndër to pritet të jetë edhe ajo e zgjidhjes së problemit të Kosovës, që është agravuar së fundmi edhe nga rritja që qeveria kosovare i ka bërë taksës ndaj mallrave të importuara serbe.
Për sigurinë e Putinit raportohet se do të kujdesen rreth 5 mijë forca policore ndërsa në Beograd mendohet se do ta presin rreth 50 mijë njerëz.
Mbrëmjen e djeshme disa qytetarë serbë nën udhëheqjen e Millan Radojiçiqit kanë vendosur që ta presin presidentin rus duke vendosur në pjesën më të madhe të veriut të Mitrovicës fotografi të tij me homologun serb, flamuj dhe mbishkrime në gjuhën ruse "Ne jemi vëllezër, Zoti është me ne" (Lexo këtu)
Kjo vizitë ka patur megjithatë edhe nga ato zëra që e kanë kundërshtuar këtë vizitë, duke thënë se mund ta rrënojë edhe më tepër shtetin edhe demokracinë në Serbi.
Presidenti rus Vladimir Putin, teksa zbret nga avioni në aeroportin "Nikolla Tesla"
Komente
