Vllaznia ka konfirmuar formën e saj të shkëlqyer duke mposhtur AF Elbasanin me rezultatin minimal 1-0 në ‘Loro Boriçi’, në një përballje direkte për kreun e renditjes së Superligës.
Skuadra shkodrane zhvilloi një ndeshje dominuese, sidomos gjatë pjesës së parë, ku krijoi lojë të rrjedhshme dhe raste të shumta për shënim. Përveç golit të fitores që u shënua nga Andrey Yago në minutën e 42-të, kuqeblutë goditën edhe dy herë shtyllën e portës së Janacek, duke lënë përshtypjen se rezultati mund të kishte qenë më i thellë.
AF Elbasani reagoi vetëm në minutat e fundit të takimit, por përpjekjet e verdhebluve për të barazuar rezultuan të kota. Vllaznia administroi me përvojë avantazhin dhe mori tri pikë të arta, që e dërgojnë në krye të kampionatit, duke lënë pas rivalët direkt.
Në ndeshjen tjetër të zhvilliuar në ‘Selman Stërmasi’, Dinamo fitoi 2-0 kundër Flamurtarit, duke zhytur vlonjatët në fundin e ftohtë. Flamurtari mbetet skuadra e vetme që pas gjashtë raundeve ende nuk ka marrë një fitore këtë sezon. Trajneri Carlos Garcia duket se është i shkarkuar dhe pritet vetëm zyrtarizimi.
Renditja e Superligës
Komente
