Një aksident i rëndë ka ndodhur ditën e sotme në Bypassin e Vlorës.
Report Tv mëson se një i ri ka humbur kontrollin mbi automjetin e tij tip "Benz" dhe si pasojë automjeti është përplasur me pjesën shkëmbore në anë të rrugës.
Nga përplasja e fortë makina është përmbysur, si dhe ka humbur jetën shoferi 24 -vjeçar i identifikuar me inicialet I.P. dhe është plagosur pasagjeri në këtë automjet, i identifikuar me inicialet D.K., 23-vjeç.
"Reth orës 16:00, në bypassin-in e Vlorës, në afërsi të fshatit Kaninë, shtetasi I. P., rreth 24 vjeç, dyshohet se ka humbur kontrollin mbi drejtimin e automjetit tip “Benz” dhe si pasojë automjeti është përplasur me pjesën shkëmbore në anë të rrugës.
Për shkak të dëmtimeve, drejtuesi i automjetit ka humbur jetën, ndërsa pasagjeri, shtetasi D. K., rreth 23 vjeç, është derguar në spital dhe ndodhet nën kujdesin e mjekëve",-njofton policia.
Grupi hetimor ndodhet në vendngjarje dhe po kryen veprimet e mëtejshme në lidhje me sqarimin e rrethanave të aksidentit.
Komente
Në atë rrugë me ato viza të bardha që kanë bërë nuk kuptohet cili është krahu yt..andej apo këtej.?
Përgjigju