Është zhvilluar dhe në Vlorë ditën e sotme, ceremonia e Kurban Bajramit.
Ceremonia ka filluar në orën 6:30 me lexim të Kuranit, më pas me ligjërata dhe në orën 07:00 me faljen.
Me qindra besimtarë kanë qenë të pranishëm e ditën e sotme në ambientet e Pallatit të Sportit Vlorë, për shkak se xhamia e Vlorës është e mbyllur që pas përmbytjes.
Ceremonia është drejtuar nga Myftiu i Vlorës, Ardit Hoxhllaku. Ai ka uruar besimtarët në këtë ditë dhe ka bërë mesazh për paqe kudo në botë: mos të ketë luftë, mos të ketë vrasje të fëmijëve të vegjël, të pafajshëm.
“Na kanë mbytur veprimet nëpërmjet instikteve dhe na ka marrë malli të shohim njerëz që mendojnë para se të veprojnë. Kurbani nuk është thjesht të marrim një kafshë, të bëjmë bismilah, ta presim dhe të themi zoti na e pranoftë. Kurbani është që nëpërmjet tij të kujtojmë njëri-tjetrit, të ndajmë jo vetëm pjesën e dukshme, por të ndajmë shërimin dhe ndjenjat.”, tha ai.
Në këtë ceremoni kanë marrë pjesë jo vetëm qytetarë vlonjatë, por edhe të huaj që punojnë e jetojnë në Vlorë, por edhe turistë që kanë ardhur në qytet këto ditë.
Lajmi kryesor:
Kurban Bajrami/ Mijëra besimtarë falin namazin në Tiranë, kurban edhe për personat në nevojë! Spahiu: Paqe e begati
Xh.D/Xh.K/ReportTv.al