VLORË- Një ngjarje e rëndë është regjistruar në qytetin e Vlorës. Report Tv mëson se një grua e ka mbajtur burrin e saj në shtëpi të vdekur prej ditës së djeshme. Kanë qenjë fqinjët që kanë bërë denoncimin, e më pas Policia ka mbërritur në shtëpinë e saj, por ajo fillimisht refuzoi që të hapte derës. Për pasojë, uniformat blu kanë hyrë me forcë. Gazetari Armand Xhelili ka zbardhur emrat e protagonistëve të ngjarjes së rëndë ku mësohet se viktima është Llazar Prenga, e ndërsa bashkëshortja e tij është Valentina Prenga.
Nga informacionet paraprake burri vuante nga një sëmundje e rëndë që mendohet të jetë bërë shkak për vdekjen e tij, e ndërsa gruaja thuhet se vuan nga sëmundje të shëndetit mendor. Nga sa Report Tv bën me dije, gruaja ka refuzuar që të hapte deri pa ardhur vajza e saj, e cila mund të ketë qenë jashtë qytetit të Vlorës, ose jashtë Shqipërisë.
Uniformat blu kanë dërguar trupin e pajetë në morgun e qytetit për t'i bërë autopsinë, e ndërsa gruaja është dërguar në Komisariatin e qytetit për t'u marrë në pyetje lidhur me këtë ngjarje. Gruaja është kuruar në vitin 2017 për probleme të shëndetit mendor.
Report Tv mëson se Valentina Prenga, gruaja që ka mbajtur të vdekur burrin në banesë, është shoqëruar në Komisariatin e Policisë së Vlorës.
Një nga fqinjët e çiftit Prenga, ka folur për mikrofonin e Report Tv, duke treguar se gruaja nuk e hapte derën e shtëpisë.
"Pak kokë kemi që kem ardhur këtu, ajo nuk e hapte derën fare, me ne nuk kishte problem, agresive ishte ajo", tha nëna.
Report Tv ka zbardhur emrat e protagonistëve të ngjarjes së rëndë në Vlorë. Mësohet se viktima është Llazar Prenga, e ndërsa bashkëshortja e tij është Valentina Prenga.
Report Tv sjell pamje nga lagjja ku jetonte çifti. Burri ka ndërruar jetë, dyshohet para disa ditësh, e ndërsa gruaja e ka mbajtur në shtëpi.
