Vlorë- Projekti për parkimin e ri në Manastirin e Zvërnecit në Vlorë ka hyrë në fazën finale dhe është drejt përfundimit të punimeve.
Të paktën 120 vende parkimi për automjete dhe hapësira për autobusë, në një nga zonat më të frekuentuara të Shqipërisë nga turistët.
Gjithashtu edhe gjelbërim, pemë dhe ndriçim modern, ku nuk mungojnë as hapësirat e pushimit.
Kryeministri Edi Rama e ka njoftuar këtë me një postim në rrjetin social Facebook, ku thekson gjithashtu se ky investim i domosdoshëm “do lehtësojë qarkullimin dhe do ofrojë më shumë rehati për vizitorët dhe turistët”.
Postimi i Edi Ramës:
“Drejt përfundimit punimet për parkimin e ri në Manastirin e Zvërnecit në Vlorë, ku projekti ka hyrë në fazën finale, duke siguruar 120 vende parkimi për automjete dhe hapësira të dedikuara për autobusët, për t’i kthyer kështu dinjitetin një zone shumë të frekuentuar nga turistët.
Bashkë me gjelbërimin dhe pemët selvi, ndriçimin modern dhe hapësirat e pushimit, parkimi është një investim i domosdoshëm që do të lehtësojë qarkullimin dhe do të ofrojë më shumë rehati për të gjithë vizitorët e trashëgimisë kulturore dhe bukurive natyrore të Manastirit të Zvërnecit”.
