Një punëtor nafte është dëmtuar rëndë këtë të shtunë në Amonicë të Vlorës, teksa po ushtronte profesionin e tij. Report Tv raporton se bëhet fjalë për Ali Gropa, banues në Patos të Fierit. Mësohet se teksa po punonte në pusin e naftës së fshatit të përmendur, Gropa ka lënduar dorën me një mjet prerës. Pasi në Vlorë i thanë se i duhej hequr, Gropa i është drejtuar Spitalit të Tiranës. Sa i takon gjendjes së tij aktuale shëndetësore, ende nuk ka informacion.
Një tjetër ngjarje është shënuar mbrëmjen e djeshme, po në Vlorë. Një 50-vjeçar ka përfunduar në gjendje të rëndë për jetën, pasi ka rënë në kontakt me rrymën elektrike ndërkohë që po merrej me dekorin e festave në qytet. Report Tv raporton se bëhet fjalë për punonjësin e Bashkisë Vlorë me inicialet K.S. Sipas burimeve të Report Tv, 50-vjeçari u dërgua rreth orës 20:00 në Spitalin e Vlorës, nga ku mësohet se ndodhet në gjendje të rëndë për jetën.
Komente
