Një ngjarje e rëndë ka tronditur fshatin Tërbaç në qarkun e Vlorës, ku janë konstatuar mbetje kockore që dyshohet se i përkasin një kafke njerëzore.
Sipas njoftimit zyrtar nga Policia, zbulimi është bërë më 1 tetor nga një bari i zonës, i cili ka njoftuar autoritetet.
Mbetjet e gjetura do të dërgohen në Institutin e Policisë Shkencore për ekspertizë të detajuar, me qëllim përcaktimin e origjinës dhe moshës së tyre.
"Specialistët e Komisariatit të Policisë Himarë referuan materiale në Prokurori për vlerësim, pasi më datë 01.10.2025, në fshatin Tërbaç, janë konstatuar nga një bari i zonës disa mbetje kockore (e dyshuar kafkë njerëzore), të cilat do të dërgohen në Institutin e Policisë Shkencore për ekspertim. Vijon puna për hetimin dhe sqarimin e rrethanave të rastit', njoftoi sot policia.
Komente
