Vlorë- Policia e Vlorës ka nisur hetimet për një 27-vjeçar i cili hyri pa leje në sallën që po mbahej mbledhja e Këshillit Bashkiak.
Incidenti u shënua një ditë më parë.
Kallëzimi ndaj të riut u bë nga një punonjëse e policisë Bashkiake.
Gjatë prononcimit për mediat, njëri nga të rinjtë që u fut me forcë në mbledhjen e Këshillit Bashkiak, deklaroi se kanë 5 vite pa marrë dëmshpërblimin për banesat e prishura për ndërtimin e rrugës.
“Specialistët për Hetimin e Krimeve në Komisariatin e Policisë Vlorë referuan materialet në Prokurori dhe proceduan penalisht, për veprën penale “Prishja e qetësisë publike”, shtetasin D. D., 27 vjeç, banues në Vlorë, pasi ndaj tij ka bërë kallëzim punonjësja e Policisë Bashkiake Vlorë, shtetasja A. R., 55 vjeçe, se ky shtetas më datë 29.09.2025, ora 11:30, është futur pa leje në sallën e mbledhjeve të Këshillit Bashkiak Vlorë, duke ndërprerë zhvillimin e mbledhjes për disa minuta”, njoftoi sot policia.
Materialet iu referuan Prokurorisë, për veprime të mëtejshme.
Komente
Ku është policia që e lejoj të hynte në ambentjet e Këshillit Bashkiak përtë ofenduar të zgjedhurit e Popullit? Po nesër një kriminel të hyjë dheti vrasi në Sallen e ligjerimeve përgjegjsia dhe drejtësia fuhet të ndalet në këtë ngjarje të rëndë.
Përgjigju